News November 24, 2024
మార్క్‌రమ్‌ను వదిలేసిన సన్‌రైజర్స్
SRH మాజీ కెప్టెన్ ఐడెన్ మార్క్‌రమ్‌ను లక్నో సూపర్ జెయింట్స్ దక్కించుకుంది. బేస్ ప్రైజ్ రూ.2 కోట్లకు బిడ్ వేసి సొంతం చేసుకుంది. గత కొన్ని సీజన్లుగా తమ జట్టులో ఉన్న మార్క్‌రమ్‌ను తిరిగి కొనుగోలు చేసేందుకు సన్‌రైజర్స్ ఆసక్తి చూపించలేదు. దక్షిణాఫ్రికా టీ20లీగ్‌లో SRH సిస్టర్ ఫ్రాంచైజీ ఈస్టర్న్ కేప్‌కు ఐడెన్ కెప్టెన్‌గా రెండుసార్లు కప్ అందించడం గమనార్హం.
Similar News
News November 21, 2025
వివేకా హత్య కేసు.. సీఐ తొలగింపు
AP: YS వివేకా హత్య కేసులో కీలక పరిణామం చోటు చేసుకుంది. అప్పుడు పులివెందుల సీఐగా పనిచేసిన <<17811370>>శంకరయ్యను<<>> ఉద్యోగం నుంచి తొలగిస్తూ పోలీస్ శాఖ ఉత్తర్వులు జారీ చేసింది. ఇటీవల ఆయన సీఎం చంద్రబాబుకు లీగల్ నోటీసులు పంపారు. కేసుకు సంబంధించి సీఎం చేసిన వ్యాఖ్యలతో తన పరువుకు భంగం కలిగిందని అందులో పేర్కొన్నారు. ఈక్రమంలోనే పోలీస్ శాఖ నిబంధనలకు విరుద్ధంగా ప్రవర్తించారని శంకరయ్యను డిస్మిస్ చేసింది.
News November 21, 2025
ముంబై డ్రగ్స్ పార్టీ.. హీరోయిన్ సోదరుడికి సమన్లు
ముంబై డ్రగ్స్ పార్టీ కేసులో బాలీవుడ్ హీరోయిన్ శ్రద్ధాకపూర్ సోదరుడు సిద్ధాంత్ కపూర్‌కు యాంటీ నార్కోటిక్స్ సెల్ సమన్లు జారీ చేసింది. ఈనెల 25న విచారణకు రావాలని ఆదేశించింది. 20న విచారణకు గైర్హాజరైన సోషల్ మీడియా ఇన్‌ఫ్లూయెన్సర్ ఒర్రీ 26న రావాలని సూచించింది. సెలబ్రిటీల కోసం పార్టీలు నిర్వహించినట్టు డ్రగ్స్ వ్యాపారి మొహమ్మద్ సలీమ్ మొహమ్మద్ సుహైల్ షేక్ అంగీకరించినట్టు ముంబై కోర్టుకు తెలిపింది.
News November 21, 2025
అండమాన్‌లో అల్పపీడనం.. ఈ జిల్లాలకు వర్ష సూచన
AP: దక్షిణ అండమాన్ సముద్రంలో రేపటికి అల్పపీడనం ఏర్పడే అవకాశముందని APSDMA తెలిపింది. ఇది పశ్చిమ-వాయవ్య దిశగా కదులుతూ సోమవారం నాటికి వాయుగుండంగా మారే అవకాశం ఉందని అంచనా వేసింది. తరువాత 48 గంటల్లో ఇది మరింత బలపడవచ్చని పేర్కొంది. అల్పపీడన ప్రభావంతో శనివారం ప్రకాశం, నెల్లూరు, కడప, అన్నమయ్య, చిత్తూరు, తిరుపతి జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉన్నట్లు తెలిపింది.