News November 25, 2024
తొలి రోజు అన్‌సోల్డ్ ప్లేయర్లు వీరే..
తొలి రోజు IPL మెగా వేలంలో దేవదత్ పడిక్కల్, డేవిడ్ వార్నర్, బెయిర్ స్టో, వాకర్ సలామ్ కీల్, పియూష్ చావ్లా, కార్తీక్ త్యాగి, యశ్ దుల్, అన్మోల్ ప్రీత్ సింగ్, ఉత్కర్ష్ సింగ్, లవ్నీత్ సిసోడియా, ఉపేంద్ర సింగ్ యాదవ్, శ్రేయస్ గోపాల్ అన్ సోల్డ్ ప్లేయర్లుగా మిగిలారు. అత్యధికంగా పంజాబ్(PBKS) 10 మంది ప్లేయర్లను వేలంలో దక్కించుకోగా అత్యల్పంగా ముంబై ఇండియన్స్ నలుగురిని కొనుగోలు చేసింది.
Similar News
News November 25, 2024
మార్చి నాటికి 9 MLC స్థానాలు ఖాళీ
TG: రాష్ట్రంలో 9 MLC స్థానాలు ఖాళీ కానున్నాయి. కాంగ్రెస్, BRS పార్టీల నుంచి 3, ఇండిపెండెంట్లు 2, MIM నుంచి 1 స్థానం మార్చి నాటికి ఖాళీ కానుండటంతో ఆశావహులు తీవ్ర ప్రయత్నాలు చేస్తున్నారు. మండలిలో ఇప్పటి వరకూ BRSదే మెజార్టీ ఉండగా.. ఖాళీ స్థానాలన్నింటినీ ఖాతాలో వేసుకునేందుకు కాంగ్రెస్ వ్యూహాలు రచిస్తోంది. యువ నేతలకు ప్రాధాన్యం ఇచ్చే ఆలోచనలో పార్టీ అధిష్ఠానం ఉన్నట్లు తెలుస్తోంది.
News November 25, 2024
తక్కువ ధరకే అమ్ముడైన టాలెంటెడ్ ప్లేయర్స్
IPL వేలంలో కొన్ని ఫ్రాంచైజీలు టాలెంటెడ్ ప్లేయర్లను తక్కువ ధరకే దక్కించుకున్నాయి. ఆల్‌రౌండర్ మార్‌క్రమ్‌ను లక్నో(రూ.2కోట్లు), కీలక ఇన్నింగ్స్ ఆడే త్రిపాఠిని CSK(రూ.3.4కోట్లు) కొనుగోలు చేసింది. భారీ సిక్స్‌లు కొట్టే మ్యాక్స్‌వెల్‌ను PBKS రూ.4.2కోట్లకు, Mమార్ష్‌ను లక్నో రూ.3.4కోట్లకే సొంతం చేసుకున్నాయి. స్టార్ బ్యాటర్ డికాక్‌ను KKR రూ.3.60కోట్లు, రచిన్ రవీంద్రను CSK రూ.4కోట్లకే ఖాతాలో వేసుకున్నాయి.
News November 25, 2024
నోటీసులపై నటుడు అలీ స్పందన
అక్రమ నిర్మాణాలు ఆపాలని తనకు జారీ చేసిన నోటీసులపై నటుడు అలీ స్పందించారు. ఒక కన్వెన్షన్ సెంటర్ కోసం తన స్థలం లీజుకు ఇచ్చినట్లు చెప్పారు. కట్టడాలపై లీజుదారులే సమాధానం ఇస్తారన్నారు. వికారాబాద్ జిల్లా నవాబ్‌పేట్ (M) ఎక్మామిడిలోని ఫామ్‌హౌస్‌లో అక్రమ నిర్మాణాలు చేపడుతున్నారని గ్రామ కార్యదర్శి శోభారాణి అలీకి నిన్న నోటీసులిచ్చారు. కట్టడాలను నిలిపివేయాలని అందులో పేర్కొన్న విషయం తెలిసిందే.