News November 25, 2024
దివ్యాంగుల పోస్టులపై కేంద్రం మార్గదర్శకాలు
దివ్యాంగులకు పోస్టులను కాలానుగుణంగా గుర్తించడానికి కమిటీలను తప్పనిసరి చేయాలని కేంద్రం ఆదేశించింది. ఈ మేరకు కనీసం 40% వైకల్యం ఉన్న వ్యక్తులకు రిజర్వేషన్లు, పోస్టుల గుర్తింపును క్రమబద్ధీకరించడానికి మార్గదర్శకాలు జారీ చేసింది. ఏదైనా పోస్టు వారికి సరిపోతుందని భావిస్తే, తదుపరి ప్రమోషనల్ పోస్టులు దివ్యాంగులకు రిజర్వ్ చేయాలని తెలిపింది. వైకల్య నిర్ధారణకు ఏకరీతి మార్గదర్శకాలను ఏర్పాటు చేయాలని ఆదేశించింది.
Similar News
News November 25, 2024
భూకేటాయింపులు రద్దు చేస్తూ సుప్రీం తీర్పు
TG: జీహెచ్‌ఎంసీ పరిధిలో హౌసింగ్ సొసైటీలకు భూకేటాయింపులు రద్దు చేస్తూ సుప్రీం కోర్టు తీర్పు ఇచ్చింది. ప్రజా ప్రతినిధులు, అధికారులు, జర్నలిస్టుల సొసైటీలకు గతంలో ప్రభుత్వాలు భూకేటాయింపులు చేశాయి. వీటిని సవాల్ చేస్తూ సుప్రీంలో పిటిషన్ దాఖలు కాగా, సీజేఐ జస్టిస్ సంజీవ్ ఖన్నా నేతృత్వంలోని ధర్మాసనం తుది తీర్పు వెలువరించింది. ప్రభుత్వానికి సొసైటీలు చెల్లించిన డబ్బులు వెనక్కి ఇవ్వాలని ఆదేశించింది.
News November 25, 2024
DCని కేఎల్, అక్షర్ లీడ్ చేస్తారు: పార్థ్ జిందాల్
వచ్చే IPL సీజన్‌లో DCని కేఎల్ రాహుల్, అక్షర్ పటేల్ లీడ్ చేస్తారని కోఓనర్ పార్థ్ జిందాల్ వెల్లడించారు. ‘మాకు యంగ్ బ్యాటింగ్ లైనప్ ఉంది. టాప్ ఆర్డర్‌లో నిలకడ కోసం KLను తీసుకున్నాం. అతను ప్రతి సీజన్‌లో 400+ పరుగులు చేశారు. మా హోమ్ గ్రౌండ్(కోట్లా) అతనికి సరిగ్గా సరిపోతుంది. యంగ్ టీమ్‌ను KL, అక్షర్ గైడ్ చేస్తారు’ అని చెప్పారు. స్టార్క్, మెక్‌గుర్క్, బ్రూక్, అశుతోష్, రిజ్వీని వేలంలో DC దక్కించుకుంది.
News November 25, 2024
బిహార్ విఫల రాష్ట్రం.. చెత్తలో కూరుకుపోయింది: ప్రశాంత్ కిశోర్
బిహార్‌లో 4 స్థానాలకు జరిగిన బైఎలక్షన్‌లో ఘోర ఓటమి తర్వాత జన సురాజ్ లీడర్ ప్రశాంత్ కిశోర్ వివాదాస్పద వ్యాఖ్యలు చేశారు. USలోని బిహారీలతో వర్చువల్‌గా మాట్లాడుతూ ‘బిహార్ ఒక విఫల రాష్ట్రం. అది చెత్తలో కూరుకుపోయింది. సుడాన్‌లో 20ఏళ్లుగా సివిల్ వార్ జరుగుతోంది. అక్కడ ప్రజలు పిల్లల చదువుల గురించి పట్టించుకోరు. అలాంటి పరిస్థితే ఇక్కడా ఉంది. రాష్ట్ర అభివృద్ధి కోసం ప్రయత్నాలు తీవ్రతరం చేయాలి’ అని చెప్పారు.