News November 25, 2024
HYD: నేడే రవీంద్రభారతిలో బీసీల రణభేరి: ఆర్.కృష్ణయ్య
BC సంక్షేమ సంఘం జాతీయ అధ్యక్షుడు ఆర్.కృష్ణయ్య 18 డిమాండ్లతో బీసీ రణభేరి మహాసభ నేడు రవీంద్రభారతిలో నిర్వహించనున్నట్లు ప్రకటించారు. అన్ని పార్టీల నాయకులను ఈ సభకు ఆహ్వానిస్తున్నామని తెలిపారు. ప్రైవేట్ రంగంలో బీసీలకు రిజర్వేషన్లు కల్పించడం, పార్లమెంట్‌లో బీసీ బిల్లు ప్రవేశపెట్టి, అసెంబ్లీలో 50% రిజర్వేషన్ల అమలు, కేంద్ర జనగణనలో కులగణన వంటివి తమ డిమాండ్లలో ఉన్నాయని తెలిపారు. బీసీలందరం ఏకమవుదాం అన్నారు.
Similar News
News November 25, 2024
HYD: కార్మికులుగా మారుతున్న పేదల పిల్లలు
రెక్కాడితేగానీ డొక్కాడనివి నిరుపేదల జీవితాలు. పొట్టకూటి కోసం శ్రమను నమ్ముకుని ఏదో ఓ పని చేస్తుంటారు. అయితే చాలా మంది తమ చదవుకునే పిల్లలను వెంట తీసుకెళ్తూ బాలకార్మికులుగా మార్చడం ఆందోళన కలిగించే విషయం. ఇలాంటి దృశ్యాలు HYD మహానగరంలో చాలా చోట్ల కనిపిస్తున్నాయి. ప్రభుత్వం ఇలాంటి పేదల పట్ల సానుకూలంగా స్పందించి ఉన్నత చదువులతో జీవితానికి బాటలు వేస్తే బాగుంటుందని పలువురు కోరుతున్నారు.
News November 25, 2024
HYD: టూర్ వెళ్లాలంటే.. లగ్జరీ బస్సు
రాష్ట్ర ప్రభుత్వం 21 సీట్లతో ఉండే ఏసీ లగ్జరీ మినీబస్, 9 సీట్లు నాలుగు బెర్తులు కలిగిన ఏసీ క్యారవాన్ వెహికల్ సేవలను గత ఏడాది కాలంలో అందుబాటులోకి తెచ్చిందని తెలంగాణ టూరిజం అధికారులు తెలిపారు. HYD, RR, MDCL జిల్లాలకు చెందిన ప్రజలు కుటుంబం మొత్తం కలిసి టూర్లకు వెళ్లేందుకు ఈ సేవలు సద్వినియోగం చేసుకోవచ్చని, ఇందుకోసం 9848540371కు కాల్ చేసి సంప్రదించాలని సూచించారు.
News November 25, 2024
HYD: డ్రంక్ అండ్ డ్రైవ్ తనిఖీల్లో వారే అధికం.!
హైదరాబాద్‌లో జరిగిన డ్రంక్ అండ్ డ్రైవ్ తనిఖీల్లో 21 నుంచి 40 ఏళ్ల వయసు ఉన్నవారే 70 శాతానికి పైగా ఉండడం గమనార్హం. వీరిలో బ్లడ్ ఆల్కహాల్ కౌంట్ సైతం ప్రతి 100 మిల్లీలీటర్ల రక్తంలో 51-150 మిల్లీగ్రాములు ఆల్కహాల్ ఉన్నట్లుగా తేలింది. మద్యం తాగి ఎట్టి పరిస్థితుల్లో వాహనాలు నడపోద్దని, ఒకవేళ నడిపితే కటకటాల్లోకి వెళ్తారని పోలీసులు హెచ్చరించారు.