News November 25, 2024
అదే జరిగితే నేడు రూ.10లక్షల కోట్ల లాభం!
మహారాష్ట్రలో మహాయుతి విజయంతో నిఫ్టీ 400, సెన్సెక్స్ 2000 పాయింట్లు పెరిగే అవకాశం కనిపిస్తోంది. ఇదే జరిగితే నేడు ఇన్వెస్టర్లు రూ.10L కోట్లమేర లాభం పొందుతారు. కేంద్ర పాలసీలకు అనుగుణంగా ఉండే కంపెనీల షేర్లలో వారు పెట్టుబడి పెట్టే అవకాశం ఉంది. ఇక మహారాష్ట్రలో BJP అనుకూల ప్రమోటర్లున్న కంపెనీలపై ఆసక్తి పెరిగింది. APలో NDA గెలిచినప్పుడు హెరిటేజ్ ఫుడ్స్ షేర్లు వరుసగా అప్పర్ సర్క్యూట్‌ తాకడం తెలిసిందే.
Similar News
News November 25, 2024
ఈ హెడ్ ఎప్పుడూ మనకు ‘హెడే’కే..
భారత్‌తో ఆట అంటే చాలు ఆస్ట్రేలియా స్టార్ ప్లేయర్ ట్రావిస్ హెడ్‌కు పూనకం వస్తుంది. కీలక మ్యాచుల్లో రాణించి మనకు ట్రోఫీలను అందకుండా చేశారు. తాజాగా BGT తొలి టెస్టులోనూ హాఫ్ సెంచరీ చేశారు. INDపై WTC ఫైనల్లో, వన్డే WC ఫైనల్లో సెంచరీలు చేసి మనకు కప్పులు దూరం చేశారు. ఈ ఏడాది జరిగిన T20 WCలో ఫిఫ్టీ చేశారు.
News November 25, 2024
మహారాష్ట్ర CM: రీసెంట్ ట్రెండ్ ఏం చెబుతోందంటే..
మీడియాకు అందని విధంగా CMలను ఎంపిక చేయడం BJP స్పెషాలిటీ. రీసెంటు ట్రెండ్ ఇదే చెప్తోంది. ఉత్తరాఖండ్‌లో పుష్కర్ సింగ్ ధామి, రాజస్థాన్‌లో భజన్‌లాల్, ఒడిశాలో మోహన్ చరణ్, మధ్యప్రదేశ్‌లో మోహన్ యాదవ్, హరియాణాలో నాయబ్ సైనీని ఇలాగే ఎంపిక చేశారు. ఆయా రాష్ట్రాల్లో గెలిచినప్పుడు వసుంధర రాజె, మనోహర్‌లాల్, శివరాజ్ సింగ్ పేర్లపై మీడియాలో చర్చ జరగ్గా మంత్రులు, MLA పదవుల్లో లేనివారినీ ఎంపికచేసి BJP షాకిచ్చింది.
News November 25, 2024
ALERT.. ఎల్లుండి నుంచి భారీ వర్షాలు
AP: బంగాళాఖాతంలో ఏర్పడిన అల్పపీడనం బలపడి నేడు వాయుగుండంగా మారనుంది. మరో 2 రోజుల్లో వాయవ్య దిశగా కదులుతూ తమిళనాడు-శ్రీలంక తీరాల వైపు వెళ్లే అవకాశం ఉందని విపత్తు నిర్వహణ సంస్థ తెలిపింది. దీని ప్రభావంతో ఎల్లుండి నుంచి కోస్తా జిల్లాల్లో భారీ వర్షాలు కురిసే అవకాశముందని పేర్కొంది. రేపటి నుంచి సముద్రం అలజడిగా ఉంటుందని, మత్స్యకారులు వేటకు వెళ్లొద్దని సూచించింది.