News November 25, 2024
భారత డ్రెస్సింగ్ రూంలో హిట్‌మ్యాన్
కెప్టెన్ రోహిత్ శర్మ టీమ్ ఇండియా డ్రెసింగ్ రూంలో కనిపించారు. కోచ్ గంభీర్‌తో కలిసి మ్యాచ్ వీక్షిస్తున్నారు. నిన్న పెర్త్ స్టేడియానికి చేరుకున్న రోహిత్.. ప్రాక్టీస్ మ్యాచులు ఆడనున్నారు. రెండో టెస్టుకు అందుబాటులో ఉంటారు. బిడ్డ జన్మించడంతో రోహిత్ తొలి టెస్టుకు దూరమయ్యారు.
Similar News
News November 25, 2024
వాహనాలపై రోడ్ ట్యాక్స్ పెంపునకు కసరత్తు?
TG: ₹లక్ష పైన విలువున్న టూవీలర్స్, ₹10 లక్షల పైన విలువున్న కార్లకు రోడ్డు ట్యాక్స్ పెంచేందుకు ప్రభుత్వం యోచిస్తున్నట్లు సమాచారం. రాష్ట్రంలో ప్రస్తుతం కార్లకు 13-18%, టూవీలర్స్‌కు 9-12% ట్యాక్స్ శ్లాబులున్నాయి. గరిష్ఠంగా కేరళలో 21%, తమిళనాడులో 20% పన్ను ఉన్నట్లు గుర్తించిన అధికారులు ఆ మేరకు ఇక్కడా రేట్లు సవరించాలని నిర్ణయించారు. త్వరలోనే మంత్రివర్గ ఉపసంఘానికి నివేదిక సమర్పించనున్నట్లు తెలుస్తోంది.
News November 25, 2024
రోహిత్, అశ్విన్, షమీ లేకున్నా హిస్టారిక్ విన్
BGT తొలి టెస్టులో భారత్ చరిత్రాత్మక విజయం సొంతం చేసుకుంది. రోహిత్ శర్మ, గిల్, అశ్విన్, జడేజా, షమీ జట్టులో లేకపోయినా ప్రత్యర్థి భరతం పట్టింది. రన్స్‌ పరంగా (295) ఆసిస్‌పై టీమ్ ఇండియాకు ఇది రెండో అతిపెద్ద విజయం. 2003లో ఆడిలైడ్, 2008లో పెర్త్ విజయాలతో పోలిస్తే ఈ గెలుపు మరపురానిది. తొలి మ్యాచ్‌లోనే కంగారు జట్టును తీవ్ర ఒత్తిడిలోకి నెట్టిన టీమ్‌ఇండియా ఆసిస్ మాజీ క్రికెటర్ల కలలను కల్లలు చేసింది.
News November 25, 2024
శంషాబాద్ సమీపంలో ఆర్జీవీ?
TG: డైరెక్టర్ రాంగోపాల్ వర్మ ఆచూకీపై హైడ్రామా కొనసాగుతూనే ఉంది. ఆయన ప్రస్తుతం శంషాబాద్ సమీపంలోని ఓ రెస్టారెంట్లో ఉన్నట్లు తెలుస్తోంది. ఆర్జీవీ కోసం పోలీసులు అక్కడికి వెళ్తున్నారని సమాచారం. అంతకుముందు ఆర్జీవీ తమిళనాడులోని కోయంబత్తూరులో ఉన్నట్లు వార్తలు వచ్చాయి. కానీ సోషల్ మీడియా పోస్టుల ఆధారంగా HYDలోనే ఉన్నట్లు పోలీసులు భావిస్తున్నారు.