News November 25, 2024
రాబిన్ మింజ్ గురించి తెలుసా?
ముంబై ఇండియన్స్ ఝార్ఖండ్‌కు చెందిన విధ్వంసకర బ్యాటర్, కీపర్ రాబిన్ మింజ్‌ను రూ.65 లక్షలకు దక్కించుకుంది. గతంలో మినీ వేలంలో ఇతడిని గుజరాత్ టైటాన్స్ రూ.3.6 కోట్లకు కొనుగోలు చేసింది. అయితే మెగా టోర్నీకి ముందు బైక్ యాక్సిడెంట్ కావడంతో సీజన్ మొత్తానికి దూరమయ్యారు. ఆ తర్వాత రీఎంట్రీ ఇచ్చి దేశవాళీ టోర్నమెంట్లలో అదరగొట్టడంతో ముంబై దృష్టిని ఆకర్షించారు. ఇతడికి ‘ఝార్ఖండ్ గేల్’ అనే పేరు ఉంది.
Similar News
News November 25, 2024
మైక్ వాల్ట్జ్ వ్యాఖ్యల్ని స్వాగతించిన రష్యా!
ప్ర‌స్తుత US ప్రభుత్వం రష్యా-ఉక్రెయిన్ యుద్ధాన్ని తీవ్రం చేస్తుంటే, అమెరికా అధ్య‌క్షుడిగా ఎన్నికైన ట్రంప్ స‌ర్కిల్ శాంతి ప్ర‌ణాళికపై మాట్లాడుతోందని రష్యా పేర్కొంది. US జాతీయ భద్రతా సలహాదారుగా ఎంపికైన మైక్ వాల్ట్జ్ ఇటీవల స్పందిస్తూ యుద్ధంపై ట్రంప్ ఆందోళ‌న‌గా ఉన్నార‌ని, దీనికి ముగింపు ప‌ల‌కాల‌న్నారు. రష్యా స్పందిస్తూ కొన్నిషరతులతో ఉక్రెయిన్‌తో చర్చలకు సిద్ధంగా ఉన్నామని పుతిన్ గతంలోనే చెప్పారంది.
News November 25, 2024
IPL: 18 ఏళ్ల ఆటగాడికి రూ.4.8 కోట్లు
ఐపీఎల్ వేలంలో అఫ్గాన్ యవ సంచలనం అల్లా ఘజన్‌ఫర్ భారీ ధర పలికారు. బేస్ ప్రైస్ రూ.75 లక్షలతో మొదలైన అతడిని ముంబై రూ.4.80 కోట్లు చెల్లించి సొంతం చేసుకుంది. 2006లో జన్మించిన ఘజన్ తన అద్భుతమైన బౌలింగ్‌తో IPL ఫ్రాంచైజీలను ఆకర్షించారు. ఇక వేలంలో పలువురు ఆటగాళ్లను కొనుగోలు చేయడానికి ఫ్రాంచైజీలు ఆసక్తి చూపలేదు. వారిలో కేశవ్ మహరాజ్, ఆదిల్ రషీద్, అకేల్ హొసైన్, విజయ్‌కాంత్ వైస్కాంత్ ఉన్నారు.
News November 25, 2024
పెన్షన్లపై గుడ్‌న్యూస్ చెప్పిన ప్రభుత్వం
AP: డిసెంబర్ నెలకు సంబంధించిన పెన్షన్లను ఒకరోజు ముందుగానే ప్రభుత్వం పంపిణీ చేయనుంది. డిసెంబర్ 1న ఆదివారం కావడంతో నవంబర్ 30వ తేదీనే పెన్షన్ డబ్బును పంపిణీ చేయాలని సచివాలయ ఉద్యోగులను ఆదేశించింది. 30వ తేదీన పెన్షన్ పంపిణీ పూర్తవకపోతే డిసెంబర్ 1న లేదా 2న పూర్తి చేయనున్నారు. కాగా వృద్ధులు, ఒంటరి మహిళలు, వితంతువులకు ప్రభుత్వం రూ.4000 పెన్షన్ ఇస్తోంది.