News November 25, 2024
బంగాళాఖాతంలో వాయుగుండం
AP: ఆగ్నేయ బంగాళాఖాతం, తూర్పు హిందూ మహాసముద్రంపై ఏర్పడిన తీవ్ర అల్పపీడనం వాయుగుండంగా బలపడినట్లు APSDMA వెల్లడించింది. ఇది ప్రస్తుతానికి ట్రింకోమలికి 600KM, నాగపట్నానికి 880KM, పుదుచ్చేరికి 980KM, చెన్నైకి 1,050KM దూరంలో కేంద్రీకృతమైందని తెలిపింది. ఇది రెండు రోజుల్లో వాయవ్య దిశగా తమిళనాడు-శ్రీలంక తీరాల వైపు పయనిస్తుందని పేర్కొంది. దీని ప్రభావంతో కోస్తా జిల్లాల్లో భారీ వర్షాలు కురిసే అవకాశం ఉందంది.
Similar News
News November 25, 2024
ఉద్యోగం నుంచి తొలగించినందుకు పరిహారం చెల్లించాలన్న కోర్టు!
చైనాకు చెందిన ఓ కెమికల్ కంపెనీలో పనిచేసే జాంగ్ అనే ఉద్యోగి ఆఫీసులో పడుకున్నాడని యాజమాన్యం అతణ్ని తొలగించింది. దీంతో అతను కోర్టును ఆశ్రయించారు. అతను 20 ఏళ్లుగా మంచి పనితీరు కనబరిచారని, ముందు రోజు ఆఫీసులో లేట్ అవడంతో పడుకున్నట్లు కోర్టు గుర్తించింది. ఈక్రమంలో అన్యాయంగా ఉద్యోగం నుంచి తొలగించినందుకు జాంగ్‌కు కంపెనీ 3,50,000 యువాన్‌లు(రూ.40.7 లక్షలు) పరిహారంగా చెల్లించాలని ఆదేశించింది.
News November 25, 2024
UPI నగదు చెల్లింపుల్లో 6.32 లక్షల మోసాలు
UPI నగదు చెల్లింపుల్లో 2024-25 FYలో ₹485 Cr విలువైన 6.32 లక్షల మోసాలు జ‌రిగిన‌ట్టు కేంద్రం తెలిపింది. గ‌త FYలో ₹1,087 కోట్ల విలువైన 13.42 లక్షల మోసాలు జ‌రిగిన‌ట్టు వెల్లడించింది. మోసాల క‌ట్టడికి ఎప్ప‌టిక‌ప్పుడు చ‌ర్య‌లు తీసుకుంటున్న‌ట్టు కేంద్రం తెలిపింది. యూపీఐ, ఇత‌ర ఆన్‌లైన్ చెల్లింపుల్లో మీకు మోసాలు ఎదురైతే 1930కు ఫోన్ చేయండి, లేదా <
News November 25, 2024
APలో తొలి కంటైనర్ ఆస్పత్రి ప్రారంభం
ఏజెన్సీల్లో డోలీ మోతలకు చెక్ పెట్టేలా AP ప్రభుత్వం రంగంలోకి దిగింది. మన్యం(D) సాలూరు(మ) కరడవలసలో తొలి కంటైనర్ ఆస్పత్రిని మంత్రి సంధ్యారాణి ప్రారంభించారు. గిరిజన, కొండ ప్రాంతాల్లోని ప్రజలకు ఆరోగ్య సేవలు అందించడమే లక్ష్యంగా దీనిని తీసుకొచ్చామన్నారు. ఆశా కార్యకర్త, బీపీ, షుగర్ సహా 105 రకాల మందులు అందుబాటులో ఉంటాయన్నారు. చిన్నారులకు టీకాలు, పలు మెడికల్ టెస్టులు చేయించుకునే సౌకర్యం ఇక్కడ ఉందన్నారు.