News November 26, 2024
కొత్త బంతితో బౌల్ట్ మెరుస్తారు: ఆకాశ్ అంబానీ
MI జట్టులో చేరిన బౌల్ట్ కొత్త బంతితో మెరుస్తారని జట్టు ఓనర్ ఆకాశ్ అంబానీ ఆశాభావం వ్యక్తం చేశారు. బౌల్ట్‌తో పాటు టోప్లే లెఫ్ట్ హ్యాండ్ బౌలర్లు కావడంతో వారిని తీసుకోవాలని ముందే అనుకున్నట్లు చెప్పారు. గతంలో బౌల్ట్ MIకు ఆడినప్పుడు కొత్త బంతిని స్వింగ్ చేస్తూ అద్భుతంగా రాణించారన్నారు. ఐపీఎల్‌లో 104 మ్యాచ్‌లు ఆడిన ఈ పేసర్ 121 వికెట్లు తీశారు. వేలంలో ఇతడిని MI రూ.12.50కోట్లకు కొనుగోలు చేసింది.
Similar News
News November 26, 2024
ఈవీఎంలకు వ్యతిరేకంగా దాఖలైన పిల్ కొట్టేసిన సుప్రీం
ఈవీఎంలకు వ్యతిరేకంగా దాఖలైన పిటిషన్‌ను సుప్రీంకోర్టు కొట్టేసింది. ఈవీఎంలు ట్యాంపరింగ్‌కు గురవుతున్నాయని, బ్యాలెట్ విధానం మళ్లీ ప్రవేశపెట్టాలని ప్రజాశాంతి పార్టీ అధ్యక్షుడు కేఏ పాల్ ఈ పిటిషన్ వేశారు. పిటిషనర్ వాదనలో బలమైన కారణం లేదని అభిప్రాయపడిన న్యాయస్థానం పిటిషన్‌ను కొట్టేసింది.
News November 26, 2024
రాహుల్ పౌరసత్వం రద్దు ఫిర్యాదులపై చర్యలు ప్రారంభించాం: కేంద్రం
రాహుల్ గాంధీ భార‌త పౌరసత్వం రద్దుకు సంబంధించి హోం శాఖకు ఫిర్యాదులు అందాయని అలహాబాద్ హైకోర్టుకు కేంద్రం తెలిపింది. ఈ విషయమై చర్యలు ప్రారంభించినట్టు వెల్లడించింది. రాహుల్‌కు బ్రిటిష్ పౌరసత్వం ఉంద‌ని, ఆయ‌న భార‌త పౌరసత్వం రద్దుకు CBI దర్యాప్తు కోరుతూ కర్ణాటక BJP నేత విఘ్నేశ్ కోర్టును ఆశ్రయించారు. డిసెంబర్ 19న జరిగే తదుపరి విచారణలో ఫిర్యాదులపై తీసుకున్న చర్యలు వెల్లడించాలని కోర్టు ఆదేశించింది.
News November 26, 2024
కేంద్రమంత్రి రామ్మోహన్‌తో సీఎం రేవంత్ భేటీ
TG: కేంద్ర పౌరవిమానయాన శాఖ మంత్రి రామ్మోహన్‌నాయుడితో సీఎం రేవంత్ రెడ్డి భేటీ అయ్యారు. వరంగల్ ఎయిర్‌పోర్టు పనుల పురోగతి గురించి ఆయనతో సీఎం చర్చించారు. దీంతో పాటు రాష్ట్రంలో కొత్త ఎయిర్‌పోర్టుల నిర్మాణంపై సర్వే చేయాలని ప్రతిపాదించారు. సీఎంతో పాటు పలువురు మంత్రులు, ఎంపీలు ఈ సమావేశంలో పాల్గొన్నారు.