News November 27, 2024
బజరంగ్ పునియాకు NADA షాక్
జాతీయ డోపింగ్ నిరోధక సంస్థ (NADA) రెజ్లర్ బజరంగ్ పునియాకు షాక్ ఇచ్చింది. డోప్ పరీక్షకు నమూనా ఇచ్చేందుకు నిరాకరించినందుకు 4 ఏళ్ల నిషేధం విధించింది. జాతీయ జట్టు ట్రయల్స్ వేళ గత మార్చి 10న డోపింగ్ టెస్టుల కోసం పునియా శాంపిల్ ఇవ్వలేదు. దీంతో ఏప్రిల్‌లో తాత్కాలికంగా సస్పెండ్ చేసింది. దీనిపై నాడా క్రమశిక్షణ ప్యాన‌ల్‌ను బజరంగ్ ఆశ్రయించగా, విచారణలో దోషిగా తేలడంతో నిషేధం అమల్లోకి వచ్చింది.
Similar News
News November 27, 2024
కలియుగ దానకర్ణుడు.. వారెన్ బఫెట్ రూ.9300 కోట్ల విరాళం
వరల్డ్ బిలియనీర్ వారెన్ బఫెట్ మరోసారి తన దాతృత్వాన్ని చాటుకున్నారు. 4 సంస్థలకు 1.1 బిలియన్ డాలర్లు(దాదాపు రూ.9300 కోట్లు) డొనేట్ చేశారు. థాంక్స్ గివింగ్‌లో భాగంగా ఆయన ఇలాంటి విరాళాలు ఇస్తుంటారు. ఇక తన మరణానంతరం 147.4 బిలియన్ డాలర్లు వారసులకు ఎలా పంపిణీ చేయాలనే విషయమై బెర్క్‌షైర్ హాత్‌వే వాటాదార్లకు లేఖ రాశారు. అత్యంత సంపన్నుడైన బఫెట్ ఇప్పటికీ పాత ఇంట్లోనే ఉంటూ, సాధారణ కార్లలో ప్రయాణిస్తారు.
News November 27, 2024
పాల ఉత్పత్తిలో భారత్ టాప్.. తొలి 5 రాష్ట్రాలివే!
ప్రపంచంలోనే పాల ఉత్పత్తిలో భారత్ నం.1గా నిలిచింది. 2022-23లో 23.58 కోట్ల టన్నులుగా ఉన్న పాల ఉత్పత్తి 2023-24లో 23.93 కోట్ల టన్నులకు చేరింది. గడిచిన దశాబ్దంలో ప్రపంచవ్యాప్తంగా 2% పెరుగుదల కనిపించగా భారత్‌లో 6% వృద్ధి ఉన్నట్లు కేంద్రం వెల్లడించింది. గేదెల నుంచి ఉత్పత్తి 16% తగ్గినా దేశవాళీ ఆవుల నుంచి 44.76% పెరిగింది. దేశంలో UP, రాజస్థాన్, MP, గుజరాత్, MH అత్యధికంగా పాలను ఉత్పత్తి చేస్తున్నాయి.
News November 27, 2024
BREAKING: మెగా డీఎస్సీ సిలబస్ విడుదల
AP: మెగా డీఎస్సీ సిలబస్‌ను విద్యాశాఖ విడుదల చేసింది. ఏపీ డీఎస్సీ వెబ్‌సైటులో సిలబస్‌ను అందుబాటులో ఉంచింది. DSC ద్వారా 16,347 టీచర్ ఉద్యోగాలను ప్రభుత్వం భర్తీ చేయనుంది. త్వరలో నోటిఫికేషన్ విడుదల చేసేందుకు కసరత్తు చేస్తోంది. సిలబస్ కోసం ఇక్కడ <