News November 27, 2024
కేంద్ర మంత్రితో పవన్ భేటీ.. ఎర్రచందనంపై చర్చ
ఢిల్లీ పర్యటనలో ఉన్న ఏపీ డిప్యూటీ సీఎం పవన్ కళ్యాణ్ కేంద్ర పర్యావరణ శాఖ మంత్రి భూపేంద్ర యాదవ్‌తో భేటీ అయ్యారు. ఎర్రచందనం పరిరక్షణపై చర్చించారు. ఏపీ, తమిళనాడులో ఎర్ర చందనం పెరుగుదల, స్వాధీనం చేసుకున్న కలపను ఈ-వేలం వేయడానికి రాష్ట్ర అటవీ శాఖను నోడల్ ఏజెన్సీగా నియమించడం, ఇతర రాష్ట్రాల్లో పట్టుబడిన కలపను రాష్ట్రానికి తరలించేందుకు తీసుకోవాల్సిన చర్యలపై చర్చించినట్లు తెలిపారు.
Similar News
News November 27, 2024
షమీని అందుకే రిటెయిన్ చేసుకోలేకపోయాం: నెహ్రా
IPLలో తమ జట్టుకు గడచిన రెండు సీజన్లలోనే 48 వికెట్లు తీసిన షమీని గుజరాత్ టైటాన్స్ రిటెయిన్ చేసుకోలేదు. దీని వెనుక కారణాన్ని ఆ జట్టు హెడ్‌కోచ్ నెహ్రా వివరించారు. ‘షమీని రిటెయిన్ చేసుకోవాలనే అనుకున్నాం. కీలక ఆటగాళ్లను అట్టిపెట్టుకోవడంతో వదిలేయాల్సి వచ్చింది. వేలంలో ధర రూ.10 కోట్లకు చేరడంతో ఆ ధర మరీ ఎక్కువని భావించాం’ అని వెల్లడించారు. షమీని వేలంలో రూ.10 కోట్లకు SRH దక్కించుకున్న సంగతి తెలిసిందే.
News November 27, 2024
అవును.. నేనో కామన్ మ్యాన్: ఏక్‌నాథ్ శిండే
తాను ప్రజా సేవకుడినని, ఎప్పుడూ సీఎంగా భావించలేదని మహారాష్ట్ర ఆపద్ధర్మ ముఖ్యమంత్రి ఏక్‌నాథ్ శిండే అన్నారు. ‘CM అంటే కామన్ మ్యాన్. నేనిలాగే ఫీలవుతా. మేమెప్పుడూ ప్రజల కోసమే పనిచేస్తాం. ప్రజలు ఇంటినెలా నెట్టుకొస్తున్నారో, వారి బాధలేంటో చూశాను. అందుకే లడ్కీ బహన్ స్కీమ్ తీసుకొచ్చాను. PM మోదీ ఎంతో సాయం చేశారు. మా ఇద్దరి విజన్ ఒక్కటే. MVAలో ఆగిపోయిన అభివృద్ధి ప్రాజెక్టులను మేం పూర్తిచేశాం’ అని అన్నారు.
News November 27, 2024
మీ వాట్సాప్ స్టేటస్‌లూ ఇలా మారాయా?
వాట్సాప్‌లో రెండ్రోజులుగా కొందరు యూజర్ల స్టేటస్ ట్యాబ్ తంబ్‌నెయిల్స్ మారాయి. ఇప్పటివరకు రౌండ్ తంబ్‌నెయిల్‌పై క్లిక్ చేస్తే స్టేటస్ కన్పించేది. కొత్త UI (యూజర్ ఇంటర్‌ఫేస్)లో స్టేటస్ ఏమిటో యూజర్లందరికీ పెద్దగా కన్పిస్తుంది. ఈ డిజైన్ యూజర్లందరికీ ఇంకా అమలు చేయలేదు. ప్రస్తుతం టెస్టింగ్‌లో భాగంగా కొంత శాతం యూజర్లకు లేటెస్ట్ UI వచ్చిందని సమాచారం. కానీ ఇంతకీ మీకూ ఈ న్యూ ఫీచర్ వచ్చిందా? Do Comment☟