News November 27, 2024
ప్రధాని మోదీని కలిసిన BJP నేతలు
TG: రాష్ట్ర బీజేపీ ఎమ్మెల్యేలు, ఎంపీలు ప్రధాని నరేంద్ర మోదీని ఢిల్లీలో కలిశారు. అందరినీ ఆయన ప్రేమతో ఆప్యాయంగా పలకరించారు. అందరూ బాగున్నారా అంటూ వ్యాఖ్యానించారు. రాబోయే ఎన్నికల్లో నేతలు కలసి మెలసి పని చేయాలని ఆయన సూచించారు. మోదీని కలిసిన వారిలో విశ్వేశ్వర్ రెడ్డి, లక్ష్మణ్, డీకే అరుణ, రాజా సింగ్, ఈటల రాజేందర్, వెంకటరమణారెడ్డి తదితరులు ఉన్నారు.
Similar News
News November 27, 2024
రేపు స్కూళ్లకు సెలవు ఉందా?
AP: బంగాళాఖాతంలో ఏర్పడిన తీవ్ర వాయుగుండం ఇవాళ రాత్రికి తుఫానుగా మారనుంది. రేపు నెల్లూరు, శ్రీసత్యసాయి, YSR, అన్నమయ్య, చిత్తూరు, TPTY జిల్లాల్లో భారీ నుంచి అతి వర్షాలు కురుస్తాయని వాతావరణ శాఖ హెచ్చరించింది. దీంతో ఆయా జిల్లాల్లో స్కూళ్లకు సెలవు ఇవ్వాలని విద్యార్థులు, తల్లిదండ్రులు కోరుతున్నారు. వర్షంలో స్కూలుకు వస్తే పిల్లలు ఇబ్బంది పడతారని, ముందే సెలవు ప్రకటించాలని GOVTకి విజ్ఞప్తి చేస్తున్నారు.
News November 27, 2024
రేపు జగన్ ప్రెస్‌మీట్
AP: వైసీపీ అధినేత జగన్ రేపు ప్రెస్‌మీట్ నిర్వహించనున్నారు. తాడేపల్లిలోని పార్టీ కార్యాలయంలో సా.4 గంటలకు ఈ సమావేశం ఉంటుందని YCP ట్వీట్ చేసింది. అదానీ వ్యవహారంపై ఆయన ముడుపులు తీసుకున్నట్లు ఇటీవల ఆరోపణలు రావడం, ప్రాసిక్యూషన్ చేస్తారనే ప్రచారం జరుగుతుండటంపై జగన్ స్పందించే అవకాశం ఉంది.
News November 27, 2024
ఇసుక లభ్యత పెంచండి: సీఎం చంద్రబాబు
APలో ఇసుక లభ్యత, అక్రమాల నియంత్రణపై CM చంద్రబాబు కీలక ఆదేశాలు జారీ చేశారు. ఇసుక డిమాండ్ దృష్ట్యా లభ్యత పెంచాలని అధికారులకు సూచించారు. ఇసుక రీచ్‌ల్లో ఇసుక తవ్వకాలపై చర్యలు చేపట్టాలని జిల్లా స్థాయి శాండ్ కమిటీలు, అధికారులను ఆదేశించారు. వ్యక్తిగత అవసరాలకు ఇసుక తీసుకెళ్లే వారిని ఇబ్బంది పెట్టవద్దని, ధరల కట్టడికి పున:సమీక్ష చేయాలని స్పష్టం చేశారు. ఇసుక రవాణా, తవ్వకం వ్యయం తక్కువ ఉండేలా చూడాలన్నారు.