News November 27, 2024
సైడైపోయిన శిండే.. మహారాష్ట్ర CM అయ్యేదెవరో?
మహారాష్ట్ర కొత్త సీఎం ఎవరన్న దానిపై ఇంకా సస్పెన్స్ కొనసాగుతోంది. PM మోదీ ఎవరిని నియమించినా ఫర్వాలేదని స్వయంగా చెప్పడంతో పోటీలో ఏక్‌నాథ్ <<14724983>>శిండే<<>> లేరన్న సంకేతాలు వచ్చాయి. అజిత్ పవార్ (NCP) ఆ సమీకరణాల్లోనే లేరు. ఇక మిగిలింది దేవేంద్ర ఫడణవీస్. అయితే ఆయనే CM. లేదంటే కొత్త ముఖాన్ని చూడటం పక్కా. హరియాణా, ఛత్తీస్‌గఢ్, ఒడిశా, RJ, MP CMల ఎంపికను గమనిస్తే BJP కొత్త నాయకత్వానికి పెద్దపీట వేయడం అర్థమవుతోంది.
Similar News
News November 27, 2024
95శాతం కులగణన సర్వే పూర్తి
తెలంగాణలో కులగణన సర్వే 95శాతం పూర్తైంది. 1.18 కోట్ల నివాసాల్లో 1.10 కోట్ల గృహాల్లో సమాచార సేకరణ పూర్తైనట్లు ప్రభుత్వం తెలిపింది. మరోవైపు సేకరించిన డేటా ఆన్‌లైన్‌లో నమోదు చేసే ప్రక్రియ కూడా ప్రారంభం కాగా అత్యధికంగా ములుగు జిల్లాలో 70.3శాతం డేటా కంప్యూటరైజ్డ్ చేశారు. ఆ తర్వాత యాదాద్రి జిల్లా నిలిచింది. అటు GHMC పరిధిలో 80.5శాతం సర్వే పూర్తైనట్లు ప్రభుత్వం పేర్కొంది.
News November 27, 2024
వక్ఫ్ బిల్లుపై మరింత గడువు కావాలి: జేపీసీ
వక్ఫ్ బిల్లులోని వివాదాస్పద సవరణల్ని పరిశీలించేందుకు 2025 బడ్జెట్ సెషన్ ముగింపు వరకు టైమ్ అడగాలని పార్లమెంటు జాయింట్ కమిటీ(JPC) నిర్ణయించింది. ఈరోజు జరిగిన జేపీసీ సమావేశంలో ఈ నిర్ణయాన్ని తీసుకున్నట్లు జేపీసీ ఛైర్మన్ జగదాంబికా పాల్ తెలిపారు. అందుకోసం లోక్‌సభలో తీర్మానాన్ని ప్రవేశపెడతామని వెల్లడించారు. వక్ఫ్ విషయంలో తమకు పలు ప్రశ్నలున్నాయని, వాటి సమాధానాల కోసం వేచి చూస్తున్నామని పేర్కొన్నారు.
News November 27, 2024
రేపు స్కూళ్లకు సెలవు ఉందా?
AP: బంగాళాఖాతంలో ఏర్పడిన తీవ్ర వాయుగుండం ఇవాళ రాత్రికి తుఫానుగా మారనుంది. రేపు నెల్లూరు, శ్రీసత్యసాయి, YSR, అన్నమయ్య, చిత్తూరు, TPTY జిల్లాల్లో భారీ నుంచి అతి వర్షాలు కురుస్తాయని వాతావరణ శాఖ హెచ్చరించింది. దీంతో ఆయా జిల్లాల్లో స్కూళ్లకు సెలవు ఇవ్వాలని విద్యార్థులు, తల్లిదండ్రులు కోరుతున్నారు. వర్షంలో స్కూలుకు వస్తే పిల్లలు ఇబ్బంది పడతారని, ముందే సెలవు ప్రకటించాలని GOVTకి విజ్ఞప్తి చేస్తున్నారు.