News November 28, 2024
రాజ్యసభకు పవన్ కళ్యాణ్ సోదరుడు?
AP: జనసేన నేత నాగబాబును రాజ్యసభకు పంపే ప్రయత్నాల్లో Dy.CM పవన్ ఉన్నట్లు తెలుస్తోంది. రాష్ట్రంలో ఖాళీ అయిన 3 స్థానాల్లో ఒకటి తమకు కేటాయించాలని కోరినట్లు సమాచారం. ఢిల్లీ పర్యటనలో ఎన్డీఏ పెద్దలతో ఇదే విషయాన్ని ప్రస్తావించారని టాక్. కాగా లోక్‌సభ ఎన్నికల్లోనే అనకాపల్లి నుంచి నాగబాబు పోటీ చేయాలని భావించినా కూటమి సీట్ల పంపకాల్లో ఆ స్థానం BJPకి వెళ్లింది. దీంతో ఆయనను రాజ్యసభకు పంపాలని పవన్ భావిస్తున్నారు.
Similar News
News November 28, 2024
ఇండియా-A జట్టులో బార్బర్ కూతురు
లక్నోకు చెందిన చందాని శర్మ(18) ఇండియా-A U19 జట్టుకు ఎంపికయ్యారు. IND-B U19, SAతో జరిగే ట్రై సిరీస్‌లో ఆడనున్నారు. ఆమె తండ్రి బార్బర్‌గా పనిచేస్తున్నారు. ఆర్థిక సమస్యలున్నప్పటికీ కుటుంబం, కోచ్‌ల సాయంతో క్రికెట్‌లో రాణిస్తున్నారు. 10kms సైకిల్‌పై ప్రయాణించి నార్తర్న్ రైల్వే స్టేడియంలో ప్రాక్టీస్ చేస్తున్నారు. తనకు చాహల్ ఐడల్ అని, రోహిత్ శర్మ బ్యాటింగ్ ఇష్టమని ఈ రైటార్మ్ లెగ్ బ్రేక్ బౌలర్ తెలిపారు.
News November 28, 2024
నాపై రాజ్యాంగ విరుద్ధంగా కేసులు పెడుతున్నారు.. హైకోర్టుకు RGV
ఏపీ హైకోర్టులో డైరెక్టర్ రాంగోపాల్ వర్మ రిట్ పిటిషన్ దాఖలు చేశారు. తనపై FIRలు నమోదు చేయకుండా పోలీసులకు ఆదేశాలు ఇవ్వాలని కోరారు. రాజ్యాంగ విరుద్ధంగా తనపై కేసులు పెడుతున్నారని కోర్టుకు తెలిపారు. కాగా, ఇప్పటికే ఆర్జీవీపై 3 జిల్లాల్లో కేసులు నమోదయ్యాయి.
News November 28, 2024
INDvsAUS: పింక్ బాల్ టెస్టు.. భారత్ రికార్డు ఇదే
AUSపై తొలి టెస్టులో ఘన విజయం సాధించిన భారత్ రెండో మ్యాచ్‌పై దృష్టిసారించింది. డిసెంబర్ 6-10 మధ్య ఆడిలైడ్ వేదికగా డే-నైట్ టెస్టు పింక్ బాల్‌తో జరగనుంది. భారత కాలమానం ప్రకారం ఉదయం 9.30కు మ్యాచ్ మొదలవనుంది. స్టార్‌స్పోర్ట్స్, డిస్నీ+హాట్ స్టార్‌లో వీక్షించవచ్చు. స్వదేశంలో 3 డే-నైట్ టెస్టుల్లో బంగ్లా, ఇంగ్లండ్, శ్రీలంకపై భారత్ గెలవగా ఆడిలైడ్‌లో ఆసీస్ చేతిలో ఓడిపోయింది. ఇప్పుడు అక్కడే మ్యాచ్ జరగనుంది.