News November 28, 2024
INDvsAUS: పింక్ బాల్ టెస్టు.. భారత్ రికార్డు ఇదే
AUSపై తొలి టెస్టులో ఘన విజయం సాధించిన భారత్ రెండో మ్యాచ్‌పై దృష్టిసారించింది. డిసెంబర్ 6-10 మధ్య ఆడిలైడ్ వేదికగా డే-నైట్ టెస్టు పింక్ బాల్‌తో జరగనుంది. భారత కాలమానం ప్రకారం ఉదయం 9.30కు మ్యాచ్ మొదలవనుంది. స్టార్‌స్పోర్ట్స్, డిస్నీ+హాట్ స్టార్‌లో వీక్షించవచ్చు. స్వదేశంలో 3 డే-నైట్ టెస్టుల్లో బంగ్లా, ఇంగ్లండ్, శ్రీలంకపై భారత్ గెలవగా ఆడిలైడ్‌లో ఆసీస్ చేతిలో ఓడిపోయింది. ఇప్పుడు అక్కడే మ్యాచ్ జరగనుంది.
Similar News
News November 28, 2024
ఇస్కాన్‌ను నిషేధించండి: బంగ్లా హైకోర్టు ఏం చేసిందంటే..
ఇస్కాన్‌పై నిషేధానికి బంగ్లాదేశ్ హైకోర్టు నిరాకరించినట్టు ది డైలీ స్టార్ తెలిపింది. పత్రికల్లో వచ్చిన వార్తల ఆధారంగా స్వచ్ఛంద నిషేధం విధించాలని సుప్రీంకోర్టు లాయర్ మహ్మద్ మునీరుద్దీన్ కోర్టును కోరారు. ఛాటోగ్రామ్, రంగాపూర్, దినాజ్‌పూర్‌లో 144 సెక్షన్‌ను అమలు చేయాలన్నారు. నిర్ణయం తీసుకొనేముందు రాజ్యాంగపరమైన చిక్కుల్ని పరిగణనలోకి తీసుకోవాలని AG అసదుజ్జమాన్ చెప్పడంతో కోర్టు మరిన్ని వివరాలు కోరింది.
News November 28, 2024
‘పుష్ప 2’ విడుదలకు సర్వం సిద్ధం
ఐకాన్ స్టార్ అల్లు అర్జున్ హీరోగా నటిస్తున్న ‘పుష్ప 2’ మూవీ విడుదలకు సర్వం సిద్ధమైంది. ఈ సినిమా షూటింగ్ ఇటీవలే పూర్తి చేసుకోగా, తాజాగా ఎడిటింగ్ వర్క్ కూడా కంప్లీట్ చేసుకున్నట్లు మూవీ మేకర్స్ సోషల్ మీడియా వేదికగా ప్రకటించారు. ఇప్పటికే పట్నా, చెన్నై, కొచ్చిలో నిర్వహించిన పలు ఈవెంట్లు సక్సెస్ కావటంతో మూవీ టీమ్ ఫుల్ ఖుషీలో ఉంది. మరో 6 రోజుల్లో ప్రపంచవ్యాప్తంగా ఈ సినిమా ప్రేక్షకుల ముందుకు రానుంది.
News November 28, 2024
శిండేకు dy.CM పదవిపై ఆసక్తి లేదు: శివసేన MLA
డిప్యూటీ CM పదవిపై ఏక్‌నాథ్ శిండేకు ఆసక్తి లేదని, కానీ క్యాబినెట్లో ఉంటారని శివసేన MLA షిర్సత్ అన్నారు. సీఎంగా చేసిన వ్యక్తికి డిప్యూటీ సీఎం పదవి సరిపోదనే భావనలో ఆయన ఉన్నట్లు వివరించారు. అటు, డిప్యూటీ సీఎం పదవికి మరో వ్యక్తిని శిండే శివసేన నామినేట్ చేస్తుందని చెప్పుకొచ్చారు. నేడు ‘మహాయుతి’ నేతలు ఢిల్లీ పర్యటనకు వెళ్లనుండగా, మహారాష్ట్ర CM ఎవరనే దానిపై స్పష్టత వచ్చే అవకాశం ఉంది.