News November 28, 2024
నెమ్మదిగా కదులుతున్న తీవ్ర వాయుగుండం
నైరుతి బంగాళాఖాతంలో ఏర్పడిన తీవ్ర వాయుగుండం గడిచిన 6గంటల్లో 2కి.మీ. వేగంతో నెమ్మదిగా కదులుతోందని APSDMA తెలిపింది. ప్రస్తుతానికి ట్రింకోమలికి 110కి.మీ, నాగపట్నానికి 310కి.మీ, పుదుచ్చేరికి 410కి.మీ, చెన్నైకి 480కి.మీ. దూరంలో కేంద్రీకృతం అయినట్లు వెల్లడించింది. రానున్న 12 గంటల్లో వాయుగుండం శ్రీలంక తీరాన్ని దాటి ఉత్తర వాయవ్య దిశగా పయనిస్తుందని, రేపు ఉదయం లోపు తుఫానుగా మారే అవకాశం ఉందని పేర్కొంది.
Similar News
News November 28, 2024
బిల్లులన్నీ పెండింగ్‌లో పెట్టారు: జగన్
APలో ఆరోగ్యశ్రీ బిల్లులన్నీ పెండింగ్‌లో పెట్టారని YS జగన్ ధ్వజమెత్తారు. ‘కూటమి అధికారంలోకి రాగానే వాలంటీర్ల ఉద్యోగం పోయింది. సచివాలయ వ్యవస్థ అగమ్యగోచరంగా ఉంది. రూ.2800 కోట్ల విద్యాదీవెన బకాయిలు, రూ.1100 కోట్లు వసతి దీవెన బకాయిలు పెట్టడంతో విద్యార్థులు చదువులకు దూరం అవుతున్నారు. ఆరోగ్య శ్రీ బకాయిలు పెండింగ్‌లో ఉన్నాయి. రాష్ట్రంలో ధాన్యం కొనుగోళ్లు చేయడం లేదు. 108, 104 పడకేశాయి’ అని ఆరోపించారు.
News November 28, 2024
షమీకి బీసీసీఐ డెడ్‌లైన్!
BGT సిరీస్‌లోకి తీసుకునేందుకు మహ్మద్ షమీకి బీసీసీఐ డెడ్ లైన్ విధించినట్లు తెలుస్తోంది. ప్రస్తుతం సయ్యద్ ముస్తాక్ అలీ టీ20 టోర్నీ ఆడుతున్న షమీకి ప్రతి స్పెల్ అనంతరం బీసీసీఐ మెడికల్ టీమ్ చికిత్స అందిస్తోంది. ఆయన బరువెక్కువ ఉన్నారని, మరో 10రోజుల్లో తగినంత తగ్గి ఫిట్‌నెస్ నిరూపించుకోవాలని బీసీసీఐ చెప్పినట్లు సమాచారం. అన్నీ అనుకున్నట్లు జరిగితే మూడో టెస్టుకు షమీ అందుబాటులోకి రావొచ్చని అంచనా.
News November 28, 2024
మా పాలనలో ఎన్నో అమలు చేశాం: జగన్
AP: ప్రతి గ్రామంలో సచివాలయం, వాలంటీర్ల వ్యవస్థను తీసుకొచ్చి, లంచాలు, వివక్ష లేకుండా ప్రతి కుటుంబానికి పథకాలు అందించామని జగన్ చెప్పారు. ‘క్యాలెండర్ ఇచ్చి మరీ పథకాలు అమలు చేశాం. రూ.2.73 లక్షల కోట్లు అకౌంట్లలో జమ చేశాం. ప్రభుత్వ బడులతో ప్రైవేట్ బడులు పోటీ పడేలా ఇంగ్లిష్ మీడియం ప్రవేశపెట్టాం. ఆరోగ్య ఆసరా, మెడికల్ కాలేజీలు, RBK, ఉచిత పంటల బీమా వంటివి ఎన్నో మా హయాంలో తీసుకొచ్చాం’ అని ఆయన వెల్లడించారు.