News November 28, 2024
‘రాజ్యాంగ పరిరక్షణ’ నినాదం ఓట్లు రాల్చడం లేదా?
‘రాజ్యాంగ పరిరక్షణ’ నినాదం కాంగ్రెస్‌కు ఓట్లు రాల్చడం లేదని విశ్లేషకుల అంచనా. LS ఎన్నికల నుంచి రాహుల్ గాంధీ ‘రాజ్యాంగ పుస్తకం’ చేతబూని పదేపదే రక్షిస్తున్నామని ప్రచారం చేస్తున్నారు. అసెంబ్లీ ఎన్నికల్లోనూ ఆయనదిదే ఒరవడి. అయినా JKలో 6, హరియాణాలో 37, మహారాష్ట్ర, ఝార్ఖండ్‌లో 16 చొప్పునే సీట్లు వచ్చాయి. ప్రజలు ఆ నినాదాన్ని నమ్మితే ఓటు షేరు, సీట్ల సంఖ్యలో ఎందుకు ప్రతిబింబించడం లేదని ప్రశ్న. మీరేమంటారు?
Similar News
News November 28, 2024
షవర్మాలు తిని ఇంకెవ్వరూ చనిపోకూడదు: హైకోర్టు
షవర్మాలు తిని మరెవ్వరూ చనిపోకుండా ఫుడ్ సేఫ్టీ చట్టాన్ని కఠినంగా అమలు చేయాలని కేరళ హైకోర్టు అధికారుల్ని ఆదేశించింది. 2022లో కాసర్‌గోడ్‌‌లో తన కుమార్తె కలుషిత షవర్మా తిని మరణించిందని, 57 మంది ఆస్పత్రి పాలయ్యారని ఓ మహిళ వేసిన పిటిషన్‌పై తీర్పునిచ్చింది. ఫుడ్ ప్రిపేర్ చేసిన టైమ్ ప్యాకెట్‌పై ఉండాలంది. ఇలా మరణిస్తే 6 నెలల్లో శాశ్వత, నెలలోపు తక్షణ పరిహారం ఇవ్వాలంది. TG, APలోనూ షవర్మా మరణాల కథ తెలిసిందే.
News November 28, 2024
RTC బస్సులు ఎక్కే వారికి శుభవార్త
AP: విజయవాడ నుంచి విశాఖ, హైదరాబాద్, బెంగళూరు మధ్య తిరిగే డాల్ఫిన్, అమరావతి బస్సుల్లో రాయితీ అందిస్తున్నట్లు APSRTC ప్రకటించింది. చలికాలం కావడంతో AC బస్సులకు డిమాండ్ తగ్గడంతో ఈ ఆఫర్ అందుబాటులోకి తెచ్చింది. డిసెంబర్ 1 నుంచి 31వ తేదీ వరకు ఆదివారం మినహా మిగతా రోజుల్లో బెంగళూరు వెళ్లే బస్సుల్లో 20శాతం, విజయవాడ నుంచి విశాఖ, హైదరాబాద్ మధ్య నడిచే బస్సుల్లో 10శాతం రాయితీ ఇస్తున్నట్లు తెలిపింది.
News November 28, 2024
చంద్రబాబు పాలనలో జరిగిందిదే: జగన్
AP: చంద్రబాబు గత పాలనలో దిక్కుమాలిన రేట్లకు విద్యుత్ ఒప్పందాలు చేసుకున్నారని జగన్ ఆరోపించారు. విండ్ విద్యుత్‌కు సంబంధించి యూనిట్ రూ.4.84, సోలార్‌కు రూ.6.49కు ఒప్పందం చేసుకున్నారని మండిపడ్డారు. బాబు హయాంలో సోలార్ యావరేజ్ రూ.5.90 అయితే, తాము రూ.2.49కి సెకీతో ఒప్పందం చేసుకోవడంపైనా తప్పుడు ప్రచారం చేస్తున్నారని ఫైరయ్యారు. చంద్రబాబు పాలనలో PPAల వల్ల రాష్ట్రానికి ఏటా రూ.1500 కోట్ల నష్టం వస్తుందన్నారు.