News November 28, 2024
మంచి చేసినా.. బురద జల్లుతారా?: జగన్
AP: సగటున యూనిట్ విద్యుత్ కోసం రూ.5.10 ఖర్చు చేస్తున్నామని, కానీ యూనిట్ రూ.2.49కే అందించేందుకు సెకీ ముందుకొచ్చిందని జగన్ తెలిపారు. 17వేల మిలియన్ యూనిట్లు తీసుకోవడంతో యూనిట్‌కు రూ.2.61 సేవ్ అయినట్లేనని చెప్పారు. ఏడాదికి రూ.4,400 కోట్ల చెప్పున 25 ఏళ్లకు రూ.లక్ష కోట్లు ఆదా అయినట్లేనని వెల్లడించారు. ఇది రాష్ట్రానికి సంపద సృష్టి కాదా? అని ధ్వజమెత్తారు. మంచి చేస్తే బురదజల్లుతున్నారని మండిపడ్డారు.
Similar News
News November 28, 2024
కాంగ్రెస్ అతివిశ్వాసమే కొంపముంచింది: ఉద్ధవ్ వ‌ర్గం
మ‌హారాష్ట్ర ఎన్నిక‌ల్లో ఓట‌మి త‌రువాత విప‌క్ష MVAలో లుక‌లుక‌లు ప్రారంభ‌మ‌య్యాయి. లోక్‌స‌భ ఎన్నిక‌ల త‌రువాత కాంగ్రెస్‌లో ఏర్ప‌డిన అతి విశ్వాస‌మే MVA కొంప‌ముంచింద‌ని శివ‌సేన ఉద్ధవ్ వ‌ర్గం బ‌హిరంగ విమ‌ర్శ‌ల‌కు దిగింది. ఎన్నిక‌ల ముందే కాంగ్రెస్ నేత‌లు మంత్రిత్వ శాఖ‌లు పంచుకొనేందుకు కోట్లు, టైలు సిద్ధం చేసుకున్నార‌ని మండిప‌డింది. ఉద్ధ‌వ్‌ను సీఎంగా ప్ర‌క‌టించివుంటే ఫ‌లితాలు మ‌రోలా ఉండేవని వాదిస్తోంది.
News November 28, 2024
ఆధార్ కార్డు ఉన్న వాళ్లకు ALERT
ఆధార్ వివరాలను ఉచితంగా అప్‌డేట్ చేసుకునే గడువు డిసెంబర్ 14వ తేదీతో ముగియనుంది. కార్డులోని వివరాలను డాక్యుమెంట్ అప్‌లోడ్ చేసి వివరాలను ఉచితంగా మార్చుకోవచ్చు. డిసెంబర్ 14 తర్వాత మార్చుకోవాలంటే ఆధార్ కేంద్రాల్లో రూ.50 చెల్లించి అప్‌డేట్ చేసుకోవాలి. మీరు మీ ఆధార్‌ను అప్‌డేట్ చేసుకున్నారా?
News November 28, 2024
దారుణం: పసికందును బాత్రూమ్‌లో ఫ్లష్ చేశారు!
పసికందును బాత్రూమ్ కమోడ్‌లో పడేసి ఫ్లష్ చేసిన అమానుష ఘటన కర్ణాటకలోని హరోహళిలో చోటుచేసుకుంది. కమోడ్‌లో నీరు నిలిచిపోవడంతో కార్మికులు శుభ్రం చేస్తుండగా బిడ్డ మృతదేహాన్ని గుర్తించారు. పసిగుడ్డుకు 2 రోజుల వయసుంటుందని ఆస్పత్రి అధికారులు తెలిపారు. పెళ్లి కాకుండానే గర్భం దాల్చిన వారెవరో ఈ ఘాతుకానికి పాల్పడి ఉండొచ్చని అంచనా వేస్తున్నారు. పోలీసులు కేసు నమోదు చేసి దర్యాప్తు చేస్తున్నారు.