News November 28, 2024
భార్య గొడవపెట్టుకోవడం క్రూరత్వం కాదు.. విడాకులివ్వలేం: హైకోర్టు
దాంపత్యంలో గొడవలు సాధారణమని అలహాబాద్ హైకోర్టు తెలిపింది. మనోవేదన చెందినా అకారణంగా భార్య పెట్టుకొనే గొడవ క్రూరత్వం కిందకు రాదని పేర్కొంది. దీని ఆధారంగా భర్తకు విడాకులు మంజూరు చేయలేమని Dr భగీశ్ కుమార్ VS రింకీ కేసులో వెల్లడించింది. 2015లో ఒత్తిడితో పెళ్లి చేసుకున్నానని, అప్పట్నుంచి ఆమె చేతిలో కష్టాలు, అవమానాలు, బ్లాక్‌మెయిలింగ్ ఎదుర్కొన్నానన్న భర్త ఆమెతో విడిపోవడానికి సరైన సాక్ష్యాలు చూపలేదంది.
Similar News
News November 29, 2024
ఈనాటి ముఖ్యాంశాలు
* సోదరుడి పెద్దకర్మకు హాజరైన సీఎం చంద్రబాబు
* కులగణన సర్వేలో పాల్గొన్న సీఎం రేవంత్
* అదానీపై జగన్ కీలక వ్యాఖ్యలు
* మంత్రి కొండా సురేఖపై కేసు నమోదు
* పదో తరగతి పరీక్షల్లో ఇంటర్నల్స్ ఎత్తివేత
* ఎల్లుండి తెలంగాణ బంద్
* వివాహేతర సంబంధాల్లో ఇష్టపూర్వక సెక్స్ నేరం కాదు: సుప్రీంకోర్టు
* ఆస్ట్రేలియా పార్లమెంట్‌లో రోహిత్ శర్మ ప్రసంగం
* అంతర్జాతీయ క్రికెట్‌కు సిద్ధార్థ్ కౌల్ రిటైర్మెంట్
News November 29, 2024
తెలుగు టైటాన్స్ విజయం
ప్రో కబడ్డీ లీగ్‌లో యూ ముంబాతో జరిగిన మ్యాచులో తెలుగు టైటాన్స్ 41-35 పాయింట్ల తేడాతో జయకేతనం ఎగురవేసింది. TTలో ఆశిష్, విజయ్ చెరో 10 పాయింట్లు సాధించారు. ఈ విజయంతో పాయింట్ల పట్టికలో తెలుగు టైటాన్స్(48) రెండో స్థానానికి ఎగబాకింది. తొలి స్థానంలో హరియాణా స్టీలర్స్(56) కొనసాగుతోంది.
News November 29, 2024
నిద్ర రాకముందే బెడ్రూంలోకి వెళ్తున్నారా?
చాలామంది నిద్రరాకముందే బెడ్రూంలోకి వెళ్లి బలవంతంగా నిద్రపోయేందుకు ప్రయత్నిస్తుంటారు. అలా చేస్తే ఒత్తిడి పెరిగి నిద్ర రావడం మరింత ఆలస్యమవుతుందని వైద్యులు చెబుతున్నారు. అందుకే నిద్ర వచ్చే వరకు న్యూస్ పేపర్, బుక్స్ చదవడం చేయాలంటున్నారు. నిద్ర వచ్చినప్పుడే బెడ్రూంలోకి వెళ్లాలని సూచిస్తున్నారు. త్వరగా నిద్రపట్టేందుకు సా.4 తర్వాత టీ, కాఫీ దూరంపెట్టాలంటున్నారు. డైలీ అరటిపండ్లు తినాలని చెబుతున్నారు.