News November 29, 2024
ధర్మాన మాజీ పీఏ మురళి అరెస్ట్
AP: మాజీ మంత్రి ధర్మాన కృష్ణదాస్ మాజీ పీఏ, వైద్యారోగ్య శాఖ ఉద్యోగి మురళిని ఏసీబీ అధికారులు అరెస్ట్ చేశారు. ఆదాయానికి మించిన ఆస్తులున్నాయనే ఆరోపణలతో నిన్నటి నుంచి మురళి, అతని బంధువుల ఇళ్లలో సోదాలు నిర్వహించారు. 20 ఎకరాల భూమి, విశాఖ, శ్రీకాకుళం సహా పలు ప్రాంతాల్లో ప్లాట్లు, కిలో బంగారం, 11.36 కిలోల వెండి ఆభరణాలు, వస్తువులను గుర్తించారు. వీటి విలువ దాదాపు రూ.50 కోట్లు ఉంటుందని అంచనా వేస్తున్నారు.
Similar News
News November 29, 2024
BREAKING: ‘లగచర్ల’ భూసేకరణ రద్దు
TG: లగచర్ల వివాదం నేపథ్యంలో రాష్ట్ర ప్రభుత్వం కీలక నిర్ణయం తీసుకుంది. అక్కడ భూసేకరణను నిలిపివేస్తున్నట్లు ప్రకటించింది. వికారాబాద్ జిల్లా లగచర్ల ప్రాంతంలో ఫార్మా విలేజ్ ఏర్పాటుకు గతంలో ప్రభుత్వం ఉత్తర్వులిచ్చిన విషయం తెలిసిందే. ఇందుకోసం 632 ఎకరాల భూసేకరణకు ప్రయత్నించిన అధికారులపై ప్రజలు తిరగబడటంతో వివాదం మొదలైంది. పలువురు రైతులను పోలీసులు అరెస్టు చేశారు.
News November 29, 2024
దిలావర్‌పూర్ ఇథనాల్ కంపెనీపై ప్రభుత్వం ప్రకటన
TG: దిలావర్ పూర్ ఇథనాల్ కంపెనీ వివరాలను ప్రభుత్వం బయటపెట్టింది. ఆ కంపెనీకి BRS హయాంలోనే అనుమతులు ఇచ్చి, ప్రజలను మోసం చేశారని ఆరోపించింది. కేంద్ర ప్రభుత్వం ఫ్యూయల్ ఇథనాల్‌కు మాత్రమే అనుమతులు ఇచ్చిందని, వాటిని BRS పట్టించుకోలేదంది. ఇథనాల్, ఎక్స్ ట్రా న్యూట్రల్ ఆల్కహాల్ ఉత్పత్తులకు గత మంత్రివర్గం అనుమతులు ఇచ్చిందని చెప్పింది. 2022 అక్టోబర్ 22న లెటర్ ఆఫ్ ఇండెంట్ జారీ చేసిందని పేర్కొంది.
News November 29, 2024
ఫోన్ ట్యాపింగ్ కేసు.. US సర్కార్‌కు ప్రభాకర్ రావు పిటిషన్
ఫోన్ ట్యాపింగ్ కేసులో ప్రధాన నిందితుడిగా ఉన్న ఇంటెలిజెన్స్ మాజీ చీఫ్ ప్రభాకర్ రావు తనను రాజకీయ శరణార్థిగా గుర్తించాలని US ప్రభుత్వాన్ని కోరారు. తనకు ఆరోగ్య సమస్యలున్నాయని, TG ప్రభుత్వం తనను ఇబ్బంది పెడుతోందని పిటిషన్‌లో పేర్కొన్నారు. ప్రస్తుతం ఫ్లోరిడాలో కుమారుడి వద్ద ఉంటున్నట్లు తెలిపారు. ఆయనను స్వదేశానికి రప్పించేందుకు, రెడ్ కార్నర్ నోటీసు జారీ చేయించేందుకు TG పోలీసులు ప్రయత్నిస్తున్నారు.