News November 30, 2024
ఇండియాలోనూ ఆ చట్టం తీసుకురావాలి: VSR
16 ఏళ్లలోపు పిల్లలు సోషల్ మీడియా వాడకూడదని ఆస్ట్రేలియా ప్రభుత్వం నిర్ణయించడాన్ని భారతీయులు స్వాగతిస్తున్నారు. దీనిపై తాజాగా వైసీపీ ఎంపీ విజయసాయి రెడ్డి కూడా కేంద్ర ప్రభుత్వానికి విజ్ఞప్తి చేశారు. ‘నిపుణులు, తల్లిదండ్రులు, ఉపాధ్యాయుల సలహా తీసుకుని ఇండియాలోనూ ఇలాంటి చట్టాన్ని అమలు చేయాలి. దీనివల్ల పిల్లల సమయం వృథా కాదు. సోషల్ మీడియా దుష్ప్రభావాల నుంచి కూడా వారిని కాపాడవచ్చు’ అని ట్వీట్ చేశారు.
Similar News
News November 30, 2024
పుష్ప-2 టికెట్ ధరలు భారీగా పెంపు
పుష్ప-2 సినిమా టికెట్ ధరల పెంపునకు అనుమతిస్తూ TG ప్రభుత్వం ఉత్తర్వులిచ్చింది. DEC 4న రాత్రి 9.30, అర్ధరాత్రి ఒంటి గంటకు బెనిఫిట్ షోలకు ఓకే చెప్పింది. వీటి టికెట్ ధరలను సింగిల్ స్క్రీన్, మల్టీప్లెక్స్‌లో ₹800లుగా ఖరారు చేసింది. డిసెంబర్ 5 నుంచి 8 వరకు సింగిల్ స్క్రీన్ ₹150, మల్టీప్లెక్స్ ₹200 చొప్పున, డిసెంబర్ 9-16 వరకు సింగిల్ స్క్రీన్ ₹105, మల్టీప్లెక్స్ ₹150 చొప్పున పెంపునకు అనుమతిచ్చింది.
News November 30, 2024
DEC 3న కలవండి: కాంగ్రెస్‌కు ECI ఆహ్వానం
మహారాష్ట్రలో ఓటమికి EVMలను కాంగ్రెస్ నిందిస్తుండటంపై ECI స్పందించింది. డిసెంబర్ 3న తమను కలవాలని INC బృందాన్ని ఆహ్వానించింది. ఎన్నికల ప్రక్రియలో ప్రతి దశలో అన్ని పార్టీల అభ్యర్థులు, ఏజెంట్లు భాగమవుతారని తాత్కాలిక స్పందనను తెలియజేసింది. కాంగ్రెస్ వివరించే సరైన అంశాలను సమీక్షించి, రాతపూర్వకంగా జవాబిస్తామని పేర్కొంది. పోలింగ్ శాతం అప్డేషన్ ప్రాసెస్‌లో పార్టీల భాగస్వామ్యం ఉంటుందని చెప్పింది.
News November 30, 2024
OTT యూజర్స్ బీ అలర్ట్! 23 దేశాల్లో భారీ స్కామ్
Netflix యూజర్లే లక్ష్యంగా 23 దేశాల్లో భారీ సైబర్ స్కామ్ జరుగుతోందని బిట్‌డిఫెండర్ హెచ్చరించింది. క్యారెట్ ఆన్ స్టిక్ విధానంలో యూజర్లను బురిడీ కొట్టిస్తున్నారంది. ‘మీ పేమెంట్ ప్రాసెసింగ్‌లో ఇష్యూ తలెత్తింది’, ‘మీ పేమెంట్ ఫెయిలైంది. వివరాలు చెక్ చేసుకోండి’ అంటూ fake links పంపిస్తున్నారు. అందులో పేర్లు, క్రెడిట్ కార్డు డీటెయిల్స్ నమోదు చేయగానే డబ్బులు కొట్టేస్తున్నారు. ఇలాంటి మెసేజులు మీకూ వచ్చాయా?