News August 4, 2024
చైనాలో ‘పెళ్లి’పై ఓ డిగ్రీ కోర్సు!
చైనాలో జననాల శాతం పడిపోతుండటంతో పెళ్లిపై ఓ డిగ్రీ కోర్సును ప్రభుత్వం తీసుకొచ్చింది. దీనికి ‘మ్యారేజ్ సర్వీసెస్ అండ్ మేనేజ్‌మెంట్’గా పేరు పెట్టింది. పౌర వ్యవహారాల విశ్వవిద్యాలయంలో వచ్చే నెల నుంచి ఈ కోర్సు మొదలుకానుంది. 12 ప్రావిన్సుల నుంచి 70మంది అండర్‌గ్రాడ్యుయేట్లకు తొలి ఏడాది అడ్మిషన్ ఇవ్వనున్నట్లు వర్సిటీ ప్రకటించింది. ఇది చదివిన వారికి వివాహ సంబంధిత రంగాల్లో ఉద్యోగావకాశాలుంటాయని పేర్కొంది.
Similar News
News January 21, 2025
ఇండియాలో టేలర్ స్విఫ్ట్ ప్రదర్శన!
అమెరికన్ స్టార్ సింగర్ టేలర్ స్విఫ్ట్ తొలిసారి ఇండియాలో ప్రదర్శన ఇవ్వనున్నట్లు తెలుస్తోంది. బిలియనీర్ గౌతమ్ అదానీ చిన్న కుమారుడు జీత్ అదానీ ప్రీ వెడ్డింగ్ వేడుకలో టేలర్ ప్రదర్శన ఇస్తారని సినీవర్గాలు తెలిపాయి. అత్యంత పాపులర్ సింగర్ పర్ఫార్మెన్స్ కావడంతో దీనికి సంబంధించిన ఏర్పాట్లు కూడా చేస్తున్నట్లు తెలుస్తోంది. ఇప్పటికే అదానీ టీమ్ చర్చలు జరిపిందని, త్వరలో దీనిపై క్లారిటీ వస్తుందని పేర్కొన్నాయి.
News January 21, 2025
మహాకుంభమేళా కోసం ఓ IAS ఏం చేశారంటే?
ఓ సివిల్ సర్వెంట్ తలుచుకుంటే ఏం చేయగలరో IAS చంద్రమోహన్ గర్గ్ నిరూపించారు. ఉత్తర్‌ప్రదేశ్‌లోని ప్రయాగ్‌రాజ్ మున్సిపల్ కమిషనర్‌గా ఉన్న ఈయన మహాకుంభమేళా నేపథ్యంలో డంప్ యార్డును అడవిలా మార్చేశారు. దీనిని ప్రతిష్ఠాత్మకంగా తీసుకొని రెండేళ్లలో యార్డులోని వ్యర్థాలను తొలగించి మియావాకీ పద్ధతిలో 1.2 లక్షల మొక్కలను నాటారు. దీంతో దుమ్ము, దూళిని పోగొట్టి గాలి నాణ్యతను పెంచిన ఈ IASను అభినందించాల్సిందే.
News January 21, 2025
‘అభయ’ దేహంపై దోషితో పాటు మరో మహిళ DNA గుర్తింపు!
RGకర్ ‘అభయ’ దేహంపై సేకరించిన శాంపిళ్లలో సంజయ్ రాయ్‌తో పాటు మరో మహిళ DNAను గుర్తించడం అనుమానాలకు దారితీసింది. కోర్టుకు సమర్పించిన రిపోర్టులో సంజయ్ DNA 100% సరిపోయిందని, మహిళది పాక్షికంగా గుర్తించినట్టు CFSL పేర్కొంది. అది పోస్ట్‌మార్టమ్ చేసిన ఫిమేల్ డాక్టర్‌ది కావొచ్చని CBI, శాంపిళ్లు కలుషితమైనట్టు తెలుస్తోందని కోర్టూ తెలిపాయి. మరోవైపు దోషికి ఉరిశిక్ష వేయాలని బెంగాల్ GOVT హైకోర్టుకు వెళ్లింది.