News October 11, 2025
రాముడిపై భక్తితో 1,338KM నడిచిన భక్తుడు
రాముడిపై అనంతమైన భక్తితో గుజరాత్‌కి చెందిన 73 ఏళ్ల వృద్ధుడు లాల్ హర్జీవన్ దాస్ పటేల్ 1,338 కిలోమీటర్లు నడిచారు. భవ్య రామమందిర దర్శనం సంకల్పంగా ఆగస్టు 30న పాదయాత్ర ప్రారంభించి ప్రతిరోజు 35KM నడిచారు. మొత్తం 1,338KMను 40 రోజుల్లో పూర్తి చేసి, అయోధ్య చేరుకున్నారు. చిన్ననాటి కోరిక నెరవేరడం, రాముడిని దర్శించుకోవడం తన జన్మ ధన్యమైందని తెలిపారు. గతంలో 1990లో అద్వానీ రథయాత్రలోనూ ఆయన పాల్గొన్నారు.
Similar News
News October 11, 2025
ట్రంప్‌ది ఉరకలేసే హృదయం
అమెరికా అధ్యక్షులుగా ఎన్నికైన అత్యంత వృద్ధుల్లో డొనాల్డ్ ట్రంప్ ఒకరు. రెండోసారి బాధ్యతలు చేపట్టే నాటికి ఆయన వయసు 79 ఏళ్లు. కానీ ఆయన హృదయం మాత్రం 14 ఏళ్ల చిన్నదేనట. ట్రంప్ వైద్య పరీక్షల నివేదికను వైట్‌హౌస్ సెక్రటరీ కరోలిన్ లెవిట్ విడుదల చేశారు. ఆయన గుండె, శరీరం వాస్తవ వయసుకన్నా తక్కువ ఉన్నట్లు డాక్టర్ల పరీక్షల్లో తేలిందన్నారు. ఊపిరితిత్తులు, నాడులు, ఇతర అవయవాల పనితీరు అద్భుతంగా ఉన్నట్లు చెప్పారు.
News October 11, 2025
CBSE స్కాలర్‌షిప్‌తో బాలికల చదువుకు ప్రోత్సాహం..
ఆడపిల్లల్ని ప్రోత్సహించేందుకు CBSE ప్రత్యేక స్కాలర్‌షిప్‌ని అందిస్తోంది. 10th పాసై ప్రస్తుతం CBSE అనుబంధ పాఠశాలల్లో 11th చదువుతున్న విద్యార్థినులు అర్హులు. ప్రతి నెలా ₹1000 చొప్పున రెండేళ్ల పాటు అందజేస్తారు. సింగిల్ గర్ల్ ఛైల్డ్ అయ్యి, పదోతరగతిలో 70%మార్కులు వచ్చి ఉండాలి. చివరితేదీ అక్టోబర్‌ 23. గతేడాది ఎంపికైన విద్యార్థినులూ రెన్యువల్‌ చేసుకోవచ్చు.
వెబ్‌సైట్‌: <
News October 11, 2025
వరుసగా 3 రోజులు సెలవులు
తెలుగు రాష్ట్రాల్లో వచ్చేవారం వరుసగా 3రోజులు సెలవులు రానున్నాయి. పలు సాఫ్ట్‌వేర్ కంపెనీలతో పాటు స్కూళ్లకు శనివారం, ఆదివారం హాలిడేస్ ఉంటాయి. వీటికి తోడు సోమవారం(OCT 20) దీపావళి కావడంతో మూడు రోజులు సెలవులు వస్తున్నాయి. లాంగ్ వీకెండ్ రావడంతో సాఫ్ట్‌వేర్ ఉద్యోగులు హాలిడేస్ ఎంజాయ్ చేయడానికి ప్లాన్ చేసుకుంటున్నారు. దీపావళి సెలబ్రేట్ చేసేందుకు సొంతూళ్లకు వెళ్లేందుకు టికెట్లు బుక్ చేసుకొనే పనిలో పడ్డారు.