News April 27, 2024
స్తంభించిన టెలిగ్రామ్
సోషల్ మీడియా ప్లాట్‌ఫామ్ టెలిగ్రామ్ సేవలు ఇండియాలో స్తంభించాయి. దీంతో యూజర్లు మెసేజ్లు పంపించుకోలేకపోయారు. మరికొందరు లాగిన్ కూడా చేయలేకపోయారు. గడిచిన 24గంటల్లో ఇలా జరగడం ఇది రెండోసారి. నిన్న రాత్రి 10.30గంటల సమయంలో యాప్ సేవలు నిలిచిపోయినట్లు యూజర్లు ట్వీట్లు చేశారు. నిన్న దాదాపు 2గంటలు స్తంభించిపోగా.. ఈ రోజు మధ్యాహ్నం 1.07 నుంచి సేవలు మరోసారి నిలిచిపోయాయని యూజర్లు అంటున్నారు.
Similar News
News November 30, 2025
కొత్తగా 8,190 మందికి పెన్షన్లు.. తమకు రావట్లేదని పలువురి ఆవేదన
AP: రాష్ట్ర ప్రభుత్వం రేపు పెన్షన్లు పంపిణీ చేయనుంది. నవంబర్‌తో పోలిస్తే కొత్తగా 8,190 మంది పెన్షన్లు అందుకోనున్నారు. సీఎం చంద్రబాబు ఏలూరు జిల్లా గోపాలపురంలో పంపిణీ కార్యక్రమంలో పాల్గొననున్నారు. అటు రాష్ట్రవ్యాప్తంగా గ్రామ, వార్డు సచివాలయ ఉద్యోగులు పంపిణీ చేస్తారు. ఇందుకోసం ప్రభుత్వం రూ 2738.71కోట్లు విడుదల చేసింది. అటు 20 నెలలుగా తమకు కొత్త పెన్షన్ రావట్లేదని పలువురు ఆవేదన వ్యక్తం చేస్తున్నారు.
News November 30, 2025
అదే నిజమైతే వారిద్దరూ టెస్టులు ఆడాలి: పీటర్సన్
టెస్టుల్లో భారత పేలవ ప్రదర్శన నేపథ్యంలో రోహిత్-కోహ్లీ రీఎంట్రీపై చర్చ నడుస్తున్న సంగతి తెలిసిందే. దీనిపై ఇంగ్లండ్ మాజీ క్రికెటర్ కెవిన్ పీటర్సన్ సైతం స్పందించారు. ‘ఒకవేళ వారిద్దరూ తిరిగి టెస్టుల్లో ఆడాలని భావిస్తున్నారన్నది సగం నిజమైనా సరే దానిని సీరియస్‌గా తీసుకోవాలి. టెస్టు క్రికెట్ మనుగడపై చర్చ జరుగుతున్న నేపథ్యంలో వారిద్దరూ రీఎంట్రీ ఇవ్వాలనుకుంటే కచ్చితంగా ఆడాలి’ అని ట్వీట్ చేశారు.
News November 30, 2025
ఇతిహాసాలు క్విజ్ – 82 సమాధానాలు
నేటి ప్రశ్న: సూర్యుడిని భానుడు అని ఎందుకు అంటారు?
సమాధానం: సంస్కృతంలో ‘భాను’ అంటే కాంతి, ప్రకాశం, వెలుగు అని అర్థం. సూర్యుడు సమస్త ప్రపంచానికి అంధకారాన్ని తొలగించి, నిత్యం వెలుగును, శక్తిని ప్రసాదిస్తాడు. అందుకే, సూర్యుడిని ప్రకాశాన్ని ఇచ్చేవాడు (భాస్కరుడు, భానుడు) అని కీర్తిస్తారు.
<<-se>>#Ithihasaluquiz<<>>