News July 10, 2024
వాట్సాప్‌లో త్వరలో కొత్త ఫీచర్
వాట్సాప్‌లో త్వరలో ‘జూమ్ కంట్రోల్స్ ఫర్ ది కెమెరా’ అనే ఫీచర్ రానుంది. ఫీచర్‌లో భాగంగా యాప్‌లో కెమెరా రికార్డింగ్ దగ్గర బటన్‌ను తీసుకురానున్నారు. దీనిని ఉపయోగించి యూజర్లు తమకు అవసరమైనంత వరకు కెమెరాను జూమ్ చేసుకోవచ్చు. ప్రస్తుతం స్క్రీన్‌పై స్వైప్ చేసి జూమ్ చేసే ఆప్షన్ ఉంది. కానీ కొత్త ఫీచర్‌తో సులభంగా కచ్చితమైన జూమింగ్ చేసుకునే వెసులుబాటు ఉంటుందని వాబీటా ఇన్ఫో వెల్లడించింది.
Similar News
News January 19, 2025
ఇండో-కొరియన్ హారర్ కామెడీ జోనర్‌లో వరుణ్ కొత్త చిత్రం
‘మట్కా’ డిజాస్టర్ తర్వాత వరుణ్ తేజ్ కొత్త చిత్రాన్ని ప్రకటించారు. మేర్లపాక గాంధీ డైరెక్షన్‌లో తెరకెక్కనున్న ఈ మూవీ ఇండో కొరియన్ హారర్ కామెడీ జోనర్‌లో ఉంటుందని మేకర్స్ తెలిపారు. ఇవాళ వరుణ్ బర్త్‌డే సందర్భంగా ఓ పోస్టర్‌ను విడుదల చేశారు. ‘కదిరి నరసింహసామి సాచ్చిగా ఈ తూరి నవ్వించేకి వస్తుండా’ అని మెగా ప్రిన్స్ సోషల్ మీడియాలో పోస్టు చేశారు. ఈ చిత్రానికి తమన్ మ్యూజిక్ అందిస్తారు.
News January 19, 2025
ట్రైనీ డాక్టర్‌పై హత్యాచారం.. తన కొడుకును ఉరి తీయాలన్న తల్లి
కోల్‌కతా ట్రైనీ డాక్టర్‌పై హత్యాచారం కేసులో సంజయ్ రాయ్‌ను కోర్టు దోషిగా తేల్చడంపై అతని తల్లి మాలతి(70) స్పందించారు. తన కొడుకు చేసిన తప్పును మహిళగా క్షమించబోనని స్పష్టం చేశారు. తనకూ ముగ్గురు కుమార్తెలు ఉన్నారని, వైద్యురాలి తల్లి బాధను అర్థం చేసుకోగలనని పేర్కొన్నారు. అతడికి మరణ శిక్ష విధించినా అభ్యంతరం లేదన్నారు. ఈ కేసుపై సుప్రీంకోర్టుకు వెళ్లే ఉద్దేశం తమకు లేదని సంజయ్ సోదరి కూడా తేల్చిచెప్పారు.
News January 19, 2025
సైఫ్, కరీనా నవ్వుతున్న AI ఫొటో.. ఎంపీపై విమర్శలు
సైఫ్ అలీఖాన్‌పై దాడి దురదృష్టకరమని నటుడు, ఎంపీ శత్రుఘ్న సిన్హా అన్నారు. ఆయన త్వరగా కోలుకుంటున్నందుకు భగవంతుడికి కృతజ్ఞతలు తెలిపారు. సైఫ్ బెడ్‌పై, కరీనా పక్కనే కూర్చుని నవ్వుతున్నట్లు ఉన్న AI జనరేటెడ్ ఫొటోను షేర్ చేశారు. దీంతో కుటుంబం ఇబ్బందుల్లో ఉంటే ఇలాంటి ఫొటోలు పంచుకోవడం అవసరమా? అని పలువురు నెటిజన్లు ప్రశ్నించారు. అయితే దీన్ని తప్పుపట్టాల్సిన అవసరం లేదని మరికొందరు అంటున్నారు.