News November 8, 2024
‘గేమ్ ఛేంజర్’ నుంచి స్పెషల్ పోస్టర్
గ్లోబల్ స్టార్ రామ్ చరణ్ హీరోగా శంకర్ తెరకెక్కిస్తోన్న ‘గేమ్ ఛేంజర్’ సినిమా టీజర్ రేపు రిలీజ్ కానుంది. ఈ సందర్భంగా మేకర్స్ హీరోయిన్ కియారా అద్వానీకి చెందిన స్పెషల్ పోస్టర్‌ను విడుదల చేశారు. సరికొత్త లుక్‌లో ఆమె ఎంతో బ్యూటిఫుల్‌గా కనిపిస్తున్నారు. వచ్చే ఏడాది జనవరి 10న తెలుగు, తమిళం, హిందీ భాషల్లో ఈ చిత్రం విడుదలవనుంది. టీజర్ విడుదల తర్వాత సినిమాపై అంచనాలు పెరిగిపోతాయని సినీవర్గాలు భావిస్తున్నాయి.
Similar News
News November 29, 2025
వర్ష బీభత్సం.. శ్రీలంకలో ఎమర్జెన్సీ
భారీ వర్షాలు, వరదల నేపథ్యంలో శ్రీలంక ఎమర్జెన్సీ ప్రకటించింది. ఆదుకోవాలంటూ అంతర్జాతీయ సమాజాన్ని కోరింది. దాదాపు 5 లక్షల మంది ప్రభావితమయ్యారని, వారికి సాయం అందించేందుకు విదేశాల్లో ఉన్న శ్రీలంకన్లు నగదు విరాళాలు ఇవ్వాలని విజ్ఞప్తి చేసింది. దిత్వా తుఫాను బీభత్సంలో శ్రీలంకలో ఇప్పటిదాకా 132 మంది చనిపోగా, 176 మంది గల్లంతయ్యారు. ఇప్పటికే శ్రీలంకకు <<18419792>>భారత్<<>>, అమెరికా తమ వంతు సాయం అందజేసిన విషయం తెలిసిందే.
News November 29, 2025
బుడిబుడి అడుగులు భద్రంగా ఉండాలంటే..
పిల్లలు తప్పటడుగులు వేసేటప్పుడు పడిపోవడం సహజం. అయితే ఇలాంటప్పుడు వారు సేఫ్‌గా ఉండాలంటే పేరెంట్స్ కొన్ని జాగ్రత్తలు తీసుకోవాలంటున్నారు నిపుణులు. ఈ సమయంలో వారికి పొడవైన డ్రెస్‌లు వేయకూడదు. పాదాలకు సాక్స్‌, బయటికి వెళ్తే మెత్తని షూస్‌ వేయాలి. దెబ్బలు తగలకుండా చేతులకు గ్లౌజ్‌లు వేయాలి. వాకర్‌లో ఎక్కువసేపు ఉంచితే నడుమునొప్పి వస్తుంది కాబట్టి తక్కువ సమయమే ఉంచాలి. వారిని ఎప్పటికప్పుడు గమనిస్తూ ఉండాలి.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.