News May 30, 2024
ఇజ్రాయెల్ అధీనంలోకి వ్యూహాత్మక కారిడార్
ఈజిప్టు-గాజా సరిహద్దుల్లోని వ్యూహాత్మక ఫిలడెల్ఫీ కారిడార్‌ను అధీనంలోకి తీసుకున్నట్లు ఇజ్రాయెల్ ప్రకటించింది. హమాస్‌ కోసం గాజాలోకి అక్రమంగా ఆయుధాలు, ఇతర వస్తువులను ఫిలడెల్ఫీ కారిడార్ నుంచి తరలిస్తున్నట్లు ఇజ్రాయెల్ ఆరోపిస్తోంది. దీనిని అధీనంలోకి తీసుకోవడంతో ఈజిఫ్టు-ఇజ్రాయెల్ సంబంధాలు సంక్లిష్టం కానున్నాయి. ఈ కారిడార్‌లో బలగాలను మోహరించడం శాంతి ఒప్పందాన్ని ఉల్లంఘించడమేనని ఈజిఫ్టు పేర్కొంది.
Similar News
News October 15, 2024
‘ఎన్టీఆర్ బేబీ కిట్’ స్కీమ్ తీసుకురానున్న ప్రభుత్వం?
AP: గతంలో అమలైన ఎన్టీఆర్ బేబీ కిట్ పథకాన్ని పునరుద్ధరించాలని ప్రభుత్వం భావిస్తున్నట్లు సమాచారం. దీని కోసం తమిళనాడు, ఒడిశా, ఝార్ఖండ్, కర్ణాటక, తెలంగాణ రాష్ట్రాల్లో అమలవుతున్న ఇలాంటి పథకాలను అధికారులు అధ్యయనం చేస్తున్నట్లు తెలుస్తోంది. గత టీడీపీ హయాంలో 2016లో ఈ పథకాన్ని ప్రవేశపెట్టారు. ఈ కిట్‌లో దుప్పటి, దోమతెర, స్లీపింగ్ బెడ్, పౌడర్, లోషన్, న్యాప్‌కిన్, డైపర్స్ వంటివి ఉంచి బాలింతలకు అందించేవారు.
News October 15, 2024
కరెంటు వాతలు పెట్టేందుకు ప్రభుత్వం రెడీ: KTR
TG: కరెంటు కోతల కాంగ్రెస్ ప్రభుత్వం ఇప్పుడు వాతలు పెట్టేందుకు రెడీ అవుతోందంటూ KTR విమర్శించారు. ‘కరెంటు ఛార్జీల మోతకు సర్కార్ రెడీ. 300 యూనిట్లు దాటితే కిలో వాట్‌కు ఫిక్స్‌డ్ ఛార్జీ ₹50’ అనే వార్తను Xలో షేర్ చేశారు. ‘పవర్‌లోకి వచ్చి ఏడాది కాకముందే ఛార్జీలు పెంచి జనం మీద భారం మోపడానికి సిద్ధమయ్యారు. వినియోగదారులు జీరో బిల్లుల కోసం ఎదురు చూస్తుంటే మీరు కొత్త బాదుడు షురూ చేస్తారా?’ అని ప్రశ్నించారు.
News October 15, 2024
GOOD NEWS: వచ్చే నెల నుంచి ఇంటర్నేషనల్ బ్రాండ్స్: మంత్రి కొల్లు
AP: మద్యం దుకాణాదారులు నిబంధనలు ఉల్లంఘిస్తే కఠిన చర్యలు తీసుకుంటామని మంత్రి కొల్లు రవీంద్ర హెచ్చరించారు. MRP కంటే ఎక్కువ అమ్మినా, ట్యాక్స్ చెల్లించని మద్యం, నాటుసారా విక్రయిస్తే జరిమానాలు విధిస్తామని, లైసెన్సులు రద్దు చేస్తామన్నారు. అంతర్జాతీయ బ్రాండ్ల మద్యం వచ్చే నెలలో అందుబాటులోకి వస్తుందన్నారు. 15 రోజుల్లో కల్లుగీత కార్మికులకు 340 షాపులు కేటాయిస్తామని తెలిపారు. సిండికేట్ లేకుండా చూస్తామన్నారు.