News July 1, 2024
బైడెన్ స్థానంలో యువ అభ్యర్థి: నిక్కీ హేలీ
US అధ్యక్ష ఎన్నికల బరి నుంచి జో బైడెన్‌ను డెమొక్రాటిక్ పార్టీ తప్పించనుందనే వార్తలొస్తున్నాయి. వీటికి బలం చేకూర్చేలా రిపబ్లికన్ పార్టీ నేత నిక్కీ హేలీ కీలక వ్యాఖ్యలు చేశారు. బైడెన్ స్థానంలో ఓ యువ అభ్యర్థిని తెచ్చే యోచనలో డెమొక్రాటిక్ పార్టీ ఉందన్నారు. అందుకు రిపబ్లికన్లు సిద్ధంగా ఉండాలన్నారు. కాగా బైడెన్ ఆరోగ్యంపై అనుమానాలు, సభల్లో తడబాటుకి గురికావడంతో ఆయనపై సొంత పార్టీలో వ్యతిరేకత వస్తోంది.
Similar News
News September 21, 2024
ఇంటెల్ కంపెనీని కొంటున్న క్వాల్‌కామ్!
ఇంటెల్‌ను టేకోవర్ చేయాలని క్వాల్‌కామ్ భావిస్తోందని తెలిసింది. ఇప్పటికే దాన్ని సంప్రదించినట్టు వాల్‌స్ట్రీట్ జర్నల్ పేర్కొంది. నియంత్రణ సంస్థల ఆమోదం లభించి ఈ డీల్ పూర్తవ్వడానికి చాలా కాలమే పట్టొచ్చని అంచనా. ఆండ్రాయిడ్ ఫోన్లలో వాడే స్నాప్‌డ్రాగన్ ప్రాసెసర్లను ఉత్పత్తి చేసే క్వాల్‌కామ్ ఈ మధ్యే పీసీ ప్రాసెసర్ల రంగంలోకి ఎంటరైంది. ఇక $1.6 బిలియన్ల లాస్‌లో ఉన్న ఇంటెల్ షేర్లు 2024లో 60% క్రాష్ అయ్యాయి.
News September 21, 2024
ఈ 7 అలవాట్లతో పిల్లల ఆరోగ్యానికి ముప్పు
కొన్ని అలవాట్లు పిల్లల ఆరోగ్యాన్ని దెబ్బతీస్తాయి. అవి 1.గోర్లు కొరకడం. దీని వల్ల బ్యాక్టీరియా కడుపులోకి వెళుతుంది. 2.తినేటప్పుడు TV/ఫోన్ చూడటం. 3.ఎక్కువగా హెడ్‌ఫోన్స్ వాడటం. 4.నిద్రపోయే ముందు ఫోన్ చూడటం. 5.బెడ్‌పై పడుకొని తినడం. ఇలా తింటే జీర్ణక్రియ సరిగా జరగదు. 6.పళ్లు కొరకడం. దీని వల్ల సెన్సిటివిటీ, దవడ నొప్పి వస్తుంది. 7.పికీ ఈటింగ్‌. దీని వల్ల పోషకాలున్న ఆహారాన్ని కోల్పోయే ప్రమాదం ఉంది.
News September 21, 2024
ప్రకాశ్ రాజ్‌కు మంచు విష్ణు కౌంటర్!
లడ్డూ విషయంలో ఏపీ డిప్యూటీ <<14151603>>సీఎం పవన్ కళ్యాణ్‌‌పై ప్రకాశ్ రాజ్ విమర్శలు <<>>చేసిన సంగతి తెలిసిందే. ఆయనకు ‘మా’ అధ్యక్షుడు మంచు విష్ణు కౌంటర్ ఇచ్చారు. ‘ప్రకాశ్ రాజ్ గారూ. తిరుమల లడ్డూ అంటే కేవలం ప్రసాదం కాదు. నాలాంటి కోట్లాదిమంది హిందువులకు ఓ నమ్మకం. దర్యాప్తు జరగాలంటూ పవన్ కళ్యాణ్‌ కరెక్ట్‌గా మాట్లాడారు. మతకల్లోలాల రంగు ఎవరు ఎక్కడ పులుముతున్నారో మీరు ఒకసారి ఆలోచించుకుంటే మంచిదేమో’ అని సూచించారు.