News July 22, 2024
అమెరికాలో తెలుగు యువతి దుర్మరణం
AP: గుంటూరు(D) తెనాలికి చెందిన హారిక(24) గతేడాది US వెళ్లి, యూనివర్సిటీ ఆఫ్ సెంట్రల్ ఓక్లహామాలో MS చేస్తున్నారు. నిన్న వర్సిటీ నుంచి స్నేహితులతో కలిసి కారులో వెళ్తుండగా రోడ్డు ప్రమాదం జరిగింది. ఆమె ప్రయాణిస్తున్న కారు ముందు ఓ బైకర్ కిందపడటంతో డ్రైవర్ సడెన్ బ్రేక్ వేశారు. దీంతో వెనకాల నుంచి వచ్చిన 3 కార్లు హారిక వాహనాన్ని బలంగా ఢీకొట్టాయి. ప్రమాదంలో ఆమె మరణించగా.. మిగతావారికి గాయాలయ్యాయి.
Similar News
News November 29, 2025
నాటు కోళ్ల పెంపకంలో లాభాలు ఎందుకు తక్కువ?
కొన్ని రకాల పెరటి కోళ్లు 6 నెలల్లోనే 2.5- 3 KGల బరువు పెరుగుతాయి. నాటుకోళ్లు ఇదే సమయంలో 1.5 KGల బరువే పెరుగుతాయి. పెరటి కోళ్లు 150 నుంచి 160 రోజుల్లో తొలిసారి గుడ్లు పెడతాయి. నాటుకోళ్లు 200 రోజుల తర్వాతే గుడ్లు పెడతాయి. పెరటి కోళ్లు ఏడాదికి 150-180 గుడ్లు పెడతాయి. నాటుకోళ్లు ఏడాదికి 50- 60 గుడ్లే పెడతాయి. అందుకే పెరటికోళ్ల ఆరోగ్యం, మేతలో జాగ్రత్తలు తీసుకుంటే నాటుకోళ్ల కంటే ఎక్కువ ఆదాయం పొందవచ్చు.
News November 29, 2025
నీరు ఎక్కువగా తాగితే?
మంచి ఆరోగ్యం కోసం సరిపడా నీరు తాగడం ముఖ్యం. అయితే మోతాదుకు మించితే ఆరోగ్య సమస్యలొస్తాయని వైద్యులు చెబుతున్నారు. ‘రోజూ 2-3 లీట‌ర్ల నీరు తాగొచ్చు. అతిగా తాగితే మూత్రం ద్వారా లవణాలు కోల్పోయి అలసటగా అన్పిస్తుంది. ఓవర్ హైడ్రేషన్ వల్ల విపరీతమైన తలనొప్పి వస్తుంది. కిడ్నీలపై భారం పడి దీర్ఘకాలిక సమస్యలొస్తాయి. పోటాషియం లెవల్స్ పడిపోవడంతో రక్త సరఫరా తగ్గి గుండె ఆరోగ్యానికి ప్రమాదం’ అని హెచ్చరిస్తున్నారు.
News November 29, 2025
సీ సెక్షన్ మహిళల గుండెను వీక్ చేస్తుందా?
సీ సెక్షన్ తర్వాత మహిళల గుండె వీక్ అవుతుందని చాలామంది అపోహ పడుతుంటారు. కానీ అది సరికాదంటున్నారు నిపుణులు. కొన్ని సర్జరీల తర్వాత రక్తం గడ్డకట్టడం, రక్తపోటులో హెచ్చుతగ్గులు, అనస్థీషియా కారణంగా గుండెపై ఒత్తిడి పడుతుంది. హైబీపి, అధికబరువు, డయాబెటిస్ సమస్యలు కారణంగా సి సెక్షన్ తర్వాత గుండె ఆరోగ్యం దెబ్బతింటుందని చెబుతున్నారు. రెగ్యులర్‌గా హెల్దీ ఫుడ్ తీసుకోవడం, వర్కౌట్ చేయడం మంచిదని సూచిస్తున్నారు.