News December 23, 2024
సన్నీలియోన్ పేరిట అకౌంట్.. నెలకు రూ.1000
నటి సన్నీలియోన్ పేరిట అకౌంట్ క్రియేట్ చేసిన ప్రబుద్ధుడు నెలనెలా రూ.1000 పొందుతున్నాడు. ఛత్తీస్గఢ్ ప్రభుత్వం పెళ్లైన మహిళలకు ‘మహతారి వందన్ యోజన’ పేరుతో ప్రతి నెలా అకౌంట్లో రూ.వెయ్యి జమ చేస్తోంది. దీన్ని ఆసరాగా చేసుకున్న వీరేందర్ జోషి ఫేక్ ఖాతాతో మోసం చేస్తున్నట్లు అధికారులు గుర్తించారు. అకౌంట్ సీజ్ చేసి కేసు నమోదు చేశారు. ఈ పథకంలో 50% ఫేక్ అకౌంట్లు ఉన్నాయని BJP సర్కారుపై కాంగ్రెస్ విమర్శించింది.
Similar News
News January 21, 2026
చీనీ, నిమ్మలో ఈ లక్షణాలు కనిపిస్తున్నాయా?
చీనీ, నిమ్మ తోటల్లో ఆకు, కాయ మచ్చ తెగులు (ఆల్టర్నేరియా) కనపడుతోంది. ఇది సోకితే ఆకులపై మచ్చల చుట్టూ పసుపు రంగు వలయం, కాయలపై ముదురు గోధుమ, నలుపు రంగులో మచ్చలు ఏర్పడతాయి. దీనివల్ల పంట దిగుబడి తగ్గిపోతుంది. నివారణకు 2 గ్రా. క్లోరోథలోనిల్, 1ML అజాక్సీస్ట్రోబిన్, 1ML ప్రొపికొనజోల్ మందులను లీటరు నీటికి కలిపి పిచికారీ చేయాలి. ఎండిన కొమ్మలు, తెగులు సోకిన ఆకులు, కాయలను ఏరివేసి నాశనం చేయాలి.
News January 21, 2026
శీతాకాలంలోనూ సన్స్క్రీన్ రాసుకోవాలా?
శీతాకాలంలో వాతావరణం చల్లగా ఉండి, మబ్బుల వల్ల సూర్యకిరణాలు తక్కువగా పడుతుంటాయి. దీంతో చాలామంది ఈ కాలంలో సన్స్క్రీన్ రాసుకోరు. కానీ ఇది సరికాదంటున్నారు నిపుణులు. మబ్బులున్నా కూడా సూర్యరశ్మిలోని హానికరమైన UV రేస్ భూమిని చేరుకుంటాయి. కాబట్టి సన్స్క్రీన్ స్కిప్ చేయకూడదంటున్నారు. Broad-spectrum సన్స్క్రీన్ను ఎంచుకోవాలని, దాని SPF 50 లేదా అంతకంటే ఎక్కువ ఉండాలని సూచించారు.
News January 21, 2026
మానస స్నానం అంటే తెలుసా?
మానస స్నానం అంటే నీటితో కాకుండా, మనసుతో చేసే పవిత్ర స్నానం. విష్ణువును ధ్యానిస్తూ, ఆయన రూపం, దివ్య నామాలను మనసులో నిలుపుకోవడమే దీని ఉద్దేశ్యం. పుండరీకాక్షుడిని స్మరించడం వల్ల లోపల, బయట కూడా శుద్ధి జరుగుతుంది. బాహ్య స్నానం శరీరాన్ని శుభ్రపరిస్తే, మానస స్నానం మనసులోని మలినాలను, అశాంతిని తొలగిస్తుంది. అన్ని రకాల స్నాన పద్ధతులలో ఇది అత్యంత విశిష్టమైనదిగా, పుణ్యప్రదమైనదిగా శాస్త్రాలు చెబుతున్నాయి.