News June 30, 2024

ADB: బస్సు ప్రమాదంలో గుర్తు తెలియని వ్యక్తి మృతి

ఆదిలాబాద్ ఆర్టీసీ బస్ స్టాండ్ ఆవరణలో శనివారం రాత్రి గుర్తుతెలియని వ్యక్తి మృతి ఘటనను పోలీసులు ఛేదించారు. CC పుటేజ్ ఆధారంగా నిర్మల్ RTC డిపోకు చెందిన బస్సు రాత్రి 8 గంటలకు బయలుదేరి వెళ్ళేటప్పుడు ఆ వ్యక్తిపై నుంచి వెళ్లడంతోనే మృతి చెందినట్లు నిర్ధారించారు. ఈ మేరకు బస్ డ్రైవర్‌పై ఆదివారం కేసు నమోదు చేసినట్లు టూటౌన్ సీఐ అశోక్ తెలిపారు. కాగా మృతి చెందిన వ్యక్తి వివరాలు మాత్రం తెలియరాలేదు.