News March 27, 2024
ADB: విచిత్రమైన ఆవు దూడ.. వీపుపైన కాళ్లు
ఆదిలాబాద్ జిల్లాలో ఓ ఆవుకు విచిత్రమైన లేగదూడ పుట్టింది. భీంపూర్‌ మండలం అంతర్గాం గ్రామానికి చెందిన రైతు ప్రమోద్‌కు చెందిన ఆవు లేగదూడకు మంగళవారం జన్మనిచ్చింది. ఆ దూడ ముందు రెండు కాళ్లు సహజంగానే ఉన్నప్పటికీ.. వెనుక ఉండాల్సిన కాళ్లు మాత్రం వీపు పైన ఉన్నాయి. ఈ విషయం తెలిసిన స్థానికులు తరలి వచ్చారు. అయితే జన్యుపరమైన లోపం కారణంగా ఇలా జన్మిస్తాయని మండల పశువైద్యాధికారి సుభాష్‌ రాథోడ్‌ తెలిపారు.
Similar News
News January 10, 2025
నిర్మల్ : రేపటి నుంచి సంక్రాంతి సెలవులు
జిల్లాలోని ప్రభుత్వ, ప్రైవేటు, ఎయిడెడ్‌ పాఠశాలలకు (కేజీబీవీ మినహా) ఈనెల 11 నుంచి సంక్రాంతి సెలవులను ప్రభుత్వం ప్రకటించిందని డీఈవో రామారావు తెలిపారు. అకడమిక్‌ క్యాలెండర్‌లో ఈనెల 13 నుంచి 17 వరకు పాఠశాలలకు సంక్రాంతి సెలవులు ఇవ్వాలని విద్యాశాఖ నిర్ణయించింది. ఈనెల 11న రెండో శనివారం, 12న ఆదివారం కావడంతో అదనంగా రెండు రోజులు సెలవులొచ్చాయని తెలిపారు. ఈనెల 18న పాఠశాలలు పునః ప్రారంభం అవుతాయన్నారు.ః
News January 10, 2025
బజార్హత్నూర్: ముగ్గురి మృతికి కారణమైన ఆటో డ్రైవర్ అరెస్ట్
అతిగా మద్యం తాగి ఆటో నడిపి ముగ్గురి మృతికి కారణమైన ఆటో డ్రైవర్ పాలెపు రాకేష్ ను గురువారం అరెస్టు చేసినట్లు బోథ్ సీఐ వెంకటేశ్వర రావు తెలిపారు. సీఐ తెలిపిన వివరాల ప్రకారం.. ఈనెల 7న రాకేష్ అతిగా మద్యం తాగి, పరిమితికి మించి ప్రయాణికులను ఎక్కించుకొని ఆటోను అజాగ్రత్తగా నడపడంతో బజార్హత్నూర్ మండలం దేగామ శివారులో ఆటో బోల్తా పడిందని, ఈ ఘటనలో ముగ్గురు మృతిచెందగా, గాయపడిన వారు చికిత్స పొందుతున్నారన్నారు.
News January 10, 2025
కలెక్టర్ చేతుల మీదుగా ట్రెసా క్యాలెండర్ ఆవిష్కరణ
తెలంగాణ రెవెన్యూ సర్వీసెస్ అసోసియేషన్ (ట్రెసా)-2025 క్యాలెండర్ ను గురువారం సాయంత్రం 4గంటలకు ఆసిఫాబాద్ జిల్లా కేంద్రంలోని సమీకృత జిల్లా కలెక్టరేట్ భవన సముదాయంలో గల కలెక్టర్ ఛాంబర్ లో జిల్లా కలెక్టర్ వెంకటేష్ దోత్రే, జిల్లా అదనపు కలెక్టర్ దీపక్ తివారి, జిల్లా అదనపు కలెక్టర్ ఎం. డేవిడ్ లతో కలిసి ఆవిష్కరించారు. ఈ కార్యక్రమంలో కలెక్టరేట్ పరిపాలన అధికారి మధుకర్, తదితరులు పాల్గొన్నారు.