News January 29, 2025
ADB: గిన్నిస్ బుక్ ఆఫ్ వరల్డ్ రికార్డ్స్లో చోటు
ఆదిలాబాద్ జిల్లా ఇచ్చోడ మండలం దుబార పేట గ్రామానికి చెందిన ఆదివాసీ సకల కళా సంక్షేమ సంఘానికి బుక్ అఫ్ గిన్నిస్ వరల్డ్ రికార్డ్స్లో స్థానం లభించిందని ఆదివాసీ సకల కళా సంక్షేమ డైరెక్టర్ కాత్లే శ్రీధర్ పేర్కొన్నారు. దిల్లీలో నిర్వహించిన జయతి జయతి జయ మామ భారతం అనే నృత్య కార్యక్రమంలో తెలంగాణ తరఫున పాల్గొన్న నృత్య బృందానికి ఈ ఘనత దక్కిందని తెలిపారు.
Similar News
News February 14, 2026
కరీంనగర్ పీఠంపై ‘క్యాంపు’ రాజకీయం
కరీంనగర్ నగర పాలక సంస్థలో మేయర్ పీఠాన్ని దక్కించుకునేందుకు ప్రధాన పార్టీలు వ్యూహప్రతివ్యూహాల్లో మునిగిపోయాయి. 30 స్థానాలు గెలుచుకున్న బీజేపీ, మరో ఇద్దరిని చేర్చుకొని బలాన్ని 32కు పెంచుకుంది. పీఠం దక్కకుండా చేసేందుకు కాంగ్రెస్, బీఆర్ఎస్, ఎంఐఎం, ఏఐఎఫ్బీ పార్టీలు ఏకమవుతున్నట్లు సమాచారం. ఈ నేపథ్యంలో కార్పొరేటర్లు చేజారకుండా ప్రధాన పార్టీలు క్యాంపు రాజకీయాలకు తెరలేపడం నగరంలో చర్చనీయాంశంగా మారింది.
News February 14, 2026
ఏపీపీఎస్సీలో అక్రమాలపై సిట్ ఏర్పాటు
APPSC 27/2018 నోటిఫికేషన్ నియామకాల్లో అక్రమాలు జరిగాయనే ఆరోపణలపై దర్యాప్తు కోసం సిట్ ఏర్పాటుచేస్తూ ప్రభుత్వం ఉత్తర్వులిచ్చింది. CID చీఫ్ రవిశంకర్ అయ్యన్నార్ దీనికి నేతృత్వం వహించనున్నారు. ఇందులో సభ్యుడిగా CID SP కె.చక్రవర్తిని నియమించింది. దర్యాప్తు విషయంలో అన్ని అధికారాలు సిట్కు ఉంటాయని ఉత్తర్వుల్లో పేర్కొంది. మార్చి 16లోగా సిట్ తన నివేదికను హైకోర్టుకు సమర్పించాలని ఆదేశించింది.
News February 14, 2026
మహబూబ్నగర్లో క్యాంప్ రాజకీయాలు..?
మహబూబ్నగర్(60)లో అతిపెద్ద పార్టీగా అవతరించిన కాంగ్రెస్(29) మేయర్ పీఠాన్ని సాధించేందుకు ముమ్మర ఏర్పాట్లు చేస్తోంది. మ్యాజిక్ ఫిగర్కు 2 సీట్ల దూరంలో నిలిచిన కాంగ్రెస్.. ఇతరులు గెలిచిన 8 డివిజన్లలో కొందరిని క్యాంప్ రాజకీయాలకు తరలించినట్లు సమాచారం. వారు ఈనెల 16న నేరుగా కార్పొరేషన్ కార్యాలయానికి చేరుకుని మేయర్ ఎన్నికను లాంఛనం చేయనున్నట్లు తెలుస్తోంది. కాగా BRS-15, BJP-8, OTH-8 సీట్లు సాధించాయి.