News January 23, 2025
ADB: తమ్ముడిని అరెస్ట్ చేశామని ఫోన్
ఆదిలాబాద్ 1 టౌన్‌లో సైబర్ క్రైమ్ కేస్ బుధవారం నమోదైంది. సీఐ సునీల్ కుమార్ కథనం ప్రకారం.. తిర్పల్లికి చెందిన అఫ్రోజ్‌ఖాన్‌కు ఈనెల 16న ఓ కాల్ వచ్చింది. మీ తమ్ముడు తబ్రేజ్ అత్యాచారం కేసులో అరెస్టు అయ్యాడని, అతడిని విడిపించుకోవాలంటే రూ.30వేలు చెల్లించాలని సైబర్ నేరగాళ్లు భయపెట్టారు. అతడు వెంటనే వారి ఫోన్ నంబర్లకు నగదు బదిలీ చేశాడు. తర్వాత తమ్ముడు ఇంట్లోనే ఉన్నట్లు గుర్తించి పోలీసులకు ఫిర్యాదు చేశాడు.
Similar News
News November 9, 2025
భద్రకాళి అమ్మవారి నేటి అలంకరణ ఇదే..!
ఓరుగల్లు ప్రజల ఇలవేల్పు అయిన భద్రకాళి అమ్మవారికి నేడు ప్రత్యేక కార్యక్రమాలు చేపట్టారు. కార్తీకమాసం మూడవ ఆదివారం సందర్భంగా అర్చకులు ఉదయాన్నే అమ్మవారికి అభిషేకం నిర్వహించి, విశేషంగా అలంకరించి, ప్రత్యేక పూజలు చేశారు. సెలవు దినం కావడంతో ఉదయం నుంచి భక్తులు అధికసంఖ్యలో ఆలయానికి తరలివచ్చి అమ్మవారిని దర్శించుకుంటున్నారు.
News November 9, 2025
సింగ‌రేణి ఉద్యోగులకు గుడ్‌న్యూస్‌
సింగ‌రేణి సంస్థ‌లో ప‌నిచేస్తున్న ఇంట‌ర్న‌ల్ అభ్య‌ర్థుల‌కు శుభ‌వార్త అందింది. సంస్థ‌లో ఖాళీగా ఉన్న ప‌లు ఎగ్జిక్యూటివ్ క్యాడ‌ర్ పోస్టుల‌ను అంతర్గత అభ్యర్థుల‌తో భ‌ర్తీ చేసేందుకు యాజమాన్యం స‌ర్క్యుల‌ర్ జారీ చేసింది. అర్హత గల ఉద్యోగులు ఈ అవకాశాన్ని సద్వినియోగం చేసుకోవాలని కోరింది. ఆన్‌లైన్ ద్వారా ఈ నెల 24వ తేదీ లోగా ద‌ర‌ఖాస్తులు స‌మ‌ర్పించాలని, సంస్థ అభివృద్ధిలో పాలుపంచుకోవాలని కోరింది.
News November 9, 2025
మల్కాపురంలో యువకుడి మృతి
మల్కాపురంలోని ఓ బార్‌లో పనిచేసే యువకుడు శనివారం అర్ధరాత్రి ఆకస్మికంగా మృతి చెందాడు. విజయనగరం జిల్లా దత్తిరాజేరు మండలం విజయరాంపురం గ్రామానికి చెందిన గణపతి మల్కాపురంలోని బార్‌లో పనిచేస్తున్నాడు. మద్యానికి బానిస కావడంతో అనారోగ్యానికి గురయ్యాడు. శనివారం అర్ధరాత్రి బార్‌ వద్ద మృతి చెందినట్లు స్థానికులు గమనించి పోలీసులకు ఫిర్యాదు చేశారు.