News November 27, 2025
ADB: యువతరం.. పొలిటికల్ ఎంట్రీకి సిద్ధం
స్థానిక ఎన్నికల్లో పోటీ చేసేందుకు ఉమ్మడి జిల్లా యువత ఆసక్తి కనబరుస్తోంది. ఇప్పటికే ఆయా పంచాయతీలకు ‘నేను నిలబడతా ఓటేయండి‘ అంటూ పోస్టులు పెడుతున్నారు. కొందరు మద్దతుగా మెసేజ్లు పెడుతుండగా మరికొందరు తమ అభ్యర్థికి ఓటేయాలని పోరుకు దిగుతున్నారు. ముందుగానే ఫోన్ చేసి సాయంత్రం ఎవరికీ తెలియకుండా మీ ఇంటికి వస్తాను ఏం చేయాలో నిర్ణయిద్దాం అంటూ మద్దతు కూడగట్టుకుంటున్నారు. మీరు పోటీ చేస్తున్నారా కామెంట్ చేయండి.
Similar News
News December 1, 2025
నంద్యాల: నిరుపేద కుటుంబం నుంచి IRS అధికారిగా..
వెలుగోడు మండలం వెలుగోడుకు చెందిన వేల్పుల డేవిడ్ ఆనంద్ కుమార్ నవంబర్ 28, 1978లో జన్మించారు. నిరుపేద కుటుంబం నుంచి అంచెలంచెలుగా ఎదుగుతూ IRSగా పదోన్నతి పొందారు. దీంతో నందికొట్కూరులోని CSI చర్చిలో ఆత్మీయ అభినందన కార్యక్రమాన్ని నిర్వహించారు. ముందుగా అంబేడ్కర్ విగ్రహానికి పూలమాలవేసి నివాళులర్పించారు. రాజ్యాంగ నిర్మాత అంబేడ్కర్ స్ఫూర్తిదాయకమని ఆనంద్ కుమార్ అన్నారు.
News December 1, 2025
విటమిన్-E ఫుడ్స్‌తో చర్మం, గుండె ఆరోగ్యం పదిలం!
విటమిన్-E ఉండే ఆహార పదార్థాలు చర్మం, గుండె ఆరోగ్యానికి మేలు చేస్తాయని వైద్యులు చెబుతున్నారు. బాదం, సన్ ఫ్లవర్ గింజలు, పాలకూర, బ్రకోలీ, కివీ, ఆలివ్ నూనె, అవకాడో డైట్‌లో భాగం చేసుకోవాలని సూచిస్తున్నారు. బాదం, అవకాడో చర్మ ఆరోగ్యాన్ని కాపాడటంతో పాటు గుండె పనితీరును మెరుగు పరుస్తాయంటున్నారు. బ్రకోలీ ఫ్రీ రాడికల్స్‌ను తగ్గిస్తుందని, కివీతో చర్మ ఆరోగ్యంతో పాటు ఇమ్యూనిటీ పెరుగుతుందని చెబుతున్నారు.
News December 1, 2025
బచ్చన్నగూడెం, తేలకంటిగూడెంలో సర్పంచ్‌ల ఏకగ్రీవ ఎన్నిక
కనగల్ మండలంలోని బచ్చన్నగూడెం, తేలకంటిగూడెం గ్రామ సర్పంచ్ పదవులు ఏకగ్రీవమయ్యాయి. మహిళలకు రిజర్వ్ అయిన ఈ స్థానాల్లో అఖిలపక్ష నాయకుల నిర్ణయం మేరకు, కాంగ్రెస్ బలపరిచిన ఎడ్ల లిఖిత గణేష్ యాదవ్, బైరు నాగమణి నాగరాజు ఏకగ్రీవంగా ఎన్నికయ్యారు. సర్పంచ్‌లతో పాటు వార్డు స్థానాలు కూడా ఏకగ్రీవమైనట్లు అధికారులు తెలిపారు.