News July 25, 2024

ఎరువులపై అదనపు వసూళ్లు

TG: రాష్ట్రంలో జోరు వర్షాలతో వానాకాలం సాగుకు సంబంధించి యూరియా, డీఏపీలకు డిమాండ్ పెరిగింది. గతంలో ప్రభుత్వం నిర్దేశించిన ధరలకు దుకాణదారులు ఎరువులు విక్రయించేవారు. ఇప్పుడు రవాణా ఛార్జీల పేరుతో అదనంగా వసూలు చేస్తున్నారు. బస్తా యూరియా రూ.273 కాగా రూ.300 తీసుకుంటున్నారు. డీఏపీ రూ.1,150 ఉండగా రూ.1,200 తీసుకుంటున్నారు. డిమాండ్ ఇంకా పెరిగితే సమస్యలు తలెత్తే అవకాశం ఉందని వ్యవసాయ వర్గాలు భావిస్తున్నాయి.