News July 17, 2024

పాస్‌వర్డ్ ఇచ్చేందుకు భయపడి సముద్రంలో దూకేశాడు!

image

ప్రియురాలికి ఫోన్ పాస్‌వర్డ్ ఇవ్వడం కంటే సముద్రంలో దూకేయడం బెటర్ అనుకున్నాడో ప్రియుడు. అమెరికాలోని ఫ్లోరిడాకు చెందిన ఏజే అనే వ్యక్తి ప్రియురాలితో కలిసి బోట్‌పై విహారానికి వెళ్లాడు. వీరి పడవను నిఘా పోలీసులు ఆపడంతో బాస్‌కు ఫోన్ చేసేందుకు ప్రియురాలు ఏజేని పాస్‌వర్డ్ అడిగింది. చెప్పడం ఇష్టం లేని అతడు నీటిలో దూకి ఒడ్డుకు వెళ్లిపోయాడు. అప్పటికే అక్కడ సిద్ధంగా ఉన్న పోలీసులు ఏజేని అరెస్టు చేశారు.

Similar News

News November 30, 2025

పర్వతగిరి: నామినేషన్ల స్క్రూటినీ ప్రక్రియ పరిశీలన..!

image

స్థానిక సంస్థల ఎన్నికలకు చేపట్టిన నామినేషన్ల స్క్రూటినీ ప్రక్రియను జిల్లా ఎన్నికల సాధారణ పరిశీలకులు, రాష్ట్ర బీసీ కమిషనర్ బాలమాయ దేవి పరిశీలించారు. ఈ సందర్భంగా అభ్యర్థుల దరఖాస్తుల పరిశీలన, ఎన్నికల నిర్వహణకు సంబంధించిన ప్రక్రియ, నియమ నిబంధనలను పారదర్శకంగా చేపట్టాలని రిటర్నింగ్ అధికారులకు సూచించారు. ప్రతి దశను నిష్పక్షపాతంగా చేపట్టాలన్నారు. ఇండస్ట్రియల్ జీఎం నరసింహమూర్తి ఎంపీడీవో శంకర్ పాల్గొన్నారు.

News November 30, 2025

సినిమా అప్డేట్స్

image

❀ బాలకృష్ణ ‘అఖండ-2’ మూవీ టికెట్‌ను రూ.లక్ష వెచ్చించి కొనుగోలు చేసిన జర్మనీలోని అభిమాని రాజశేఖర్.. చిత్రానికి U/A సర్టిఫికెట్ వచ్చినట్లు వెల్లడించిన మూవీ యూనిట్
❀ జనవరి నెలాఖరు నాటికి రామ్ చరణ్, జాన్వీకపూర్ జంటగా తెరకెక్కుతోన్న ‘పెద్ది’ షూటింగ్ పూర్తి. డిసెంబర్ 5 నుంచి ఢిల్లీలో షూటింగ్: సినీ వర్గాలు
❀ హీరోయిన్ రాశీఖన్నా పుట్టిన రోజు సందర్భంగా ‘ఉస్తాద్ భగత్ సింగ్’ మూవీ నుంచి స్పెషల్ పోస్టర్ రిలీజ్

News November 30, 2025

భారత్ భారీ స్కోర్

image

సౌతాఫ్రికాతో జరుగుతున్న తొలి వన్డేలో భారత్ భారీ స్కోర్ చేసింది. 50 ఓవర్లలో 8 వికెట్లు కోల్పోయి 349 రన్స్ చేసింది. విరాట్ కోహ్లీ 120 బంతుల్లో 135 పరుగులతో చెలరేగారు. ఏకంగా 7 సిక్సర్లు, 11 ఫోర్లు బాదారు. రోహిత్ (57), కేఎల్ రాహుల్ (60) రాణించగా.. జైస్వాల్ 18, గైక్వాడ్ 8, సుందర్ 13, జడేజా 32 రన్స్ చేశారు. మరి ఈ మ్యాచులో ఎవరు గెలుస్తారో కామెంట్ చేయండి.