News April 18, 2024

లింగ నిష్పత్తిపై అజిత్ పవార్ వివాదాస్పద వ్యాఖ్యలు

మహారాష్ట్ర డిప్యూటీ సీఎం అజిత్ పవార్ లింగ నిష్పత్తిపై చేసిన వ్యాఖ్యలు వివాదాస్పదమయ్యాయి. ‘రాష్ట్రంలోని అనేక జిల్లాల్లో లింగ నిష్పత్తి 1000 మంది పురుషులు, 850 మంది మహిళలుగా ఉంది. ఇదే కొనసాగితే భవిష్యత్తులో ద్రౌపదికి ఎదురైన పరిస్థితి రావొచ్చు’ అని ఓ కార్యక్రమానికి హాజరైన సందర్భంగా పేర్కొన్నారు. ద్రౌపదికి ఐదుగురితో వివాహమైందన్న విషయాన్ని ఉద్దేశిస్తూ పవార్ చేసిన వ్యాఖ్యలపై విమర్శలు వస్తున్నాయి.