News June 6, 2024
శరద్ పవార్‌తో టచ్‌లోకి అజిత్ వర్గ ఎమ్మెల్యేలు?
మహారాష్ట్రలో రాజకీయాలు వేగంగా మారుతున్నాయి. శివసేన, NCPలను చీల్చిన శిండే, అజిత్ పవార్‌లకు ఎంపీ ఎన్నికల్లో ఓటర్లు <<13389216>>షాకివ్వడంతో<<>> ఆ వర్గ ఎమ్మెల్యేలు పునరాలోచనలో పడ్డారు. అజిత్ వర్గానికి చెందిన 10-15 మంది MLAలు శరద్ పవార్‌తో టచ్‌లోకి వచ్చినట్లు తెలుస్తోంది. శిండే వర్గ నేతలు కూడా ఉద్ధవ్ వైపు చూస్తున్నట్లు సమాచారం. ఈ ఏడాది OCT-SEPలో అసెంబ్లీ ఎన్నికలు జరగనుండగా ఆలోపు ఏమైనా జరగొచ్చని విశ్లేషకుల అంచనా.
Similar News
News November 28, 2024
ఇదేం కక్కుర్తి?.. ప్రభుత్వ ఉద్యోగులుగా పనిచేస్తూనే సామాజిక పింఛన్
కేరళలో పెన్షన్ స్కామ్ బయటికొచ్చింది. ప్రభుత్వ ఉద్యోగులుగా పనిచేస్తున్న 1,458 మంది రూ.1,600 చొప్పున సామాజిక పింఛన్ తీసుకుంటున్నట్లు తేలింది. ప్రతి నెలా రూ.23 లక్షలకు పైగా ప్రజాధనాన్ని వీరు కాజేస్తున్నారు. ఈ ఘటనపై రాష్ట్ర ప్రభుత్వం ఆగ్రహం వ్యక్తం చేసింది. ఇప్పటి వరకు వారు తీసుకొన్న పెన్షన్ మొత్తాన్ని వడ్డీతో సహా రికవరీ చేయాలని, బాధ్యులపై కఠిన చర్యలు తీసుకోవాలని ఉన్నతాధికారులను ఆదేశించింది.
News November 28, 2024
గండికోట నాకు స్పెషల్: కేంద్ర మంత్రి పెమ్మసాని
AP: గండికోట ప్రాజెక్ట్ తనకు ఎంతో ప్రత్యేకమని కేంద్ర మంత్రి పెమ్మసాని చంద్రశేఖర్ అన్నారు. తమ పూర్వీకులే ఈ కోటను పాలించారని ఆయన చెప్పారు. ‘గండికోట అభివృద్ధికి రూ.78 కోట్ల నిధులు విడుదల చేస్తున్నాం. ఈ నిధులతో ఇక్కడ అవసరమైన మౌలిక వసతులు కల్పిస్తాం. గ్రాండ్ కాన్యన్ ఆఫ్ ఇండియాగా దీనిని తీర్చిదిద్దుతాం’ ఆయన వ్యాఖ్యానించారు.
News November 28, 2024
డిసెంబర్ 4న క్యాబినెట్ భేటీ
AP క్యాబినెట్ సమావేశం డిసెంబర్ 4వ తేదీన జరగనుంది. వెలగపూడి సచివాలయంలోని మొదటి బ్లాక్‌లో సీఎం చంద్రబాబు అధ్యక్షతన ఉదయం 11 గంటలకు జరగనుంది. రాష్ట్రంలో తాజా పరిస్థితులు, ఇసుక పాలసీ, కొత్త పథకాలు, రేషన్‌కార్డులు, అమరావతి రాజధాని మాస్టర్ ప్లాన్ సహా పలు అంశాలపై క్యాబినెట్ సమావేశంలో చర్చించనున్నారు.