News November 12, 2024
అమెరికన్ M4 రైఫిల్స్.. అఫ్గాన్ టు భారత్ వయా పాక్
ఇటీవల J&Kలో ముగ్గురు టెర్రరిస్టులను హతమార్చిన ఆర్మీ అత్యాధునిక అమెరికన్ M4 కార్బైన్స్‌ను స్వాధీనం చేసుకుంది. ఇవి అఫ్గాన్ నుంచి పాక్ టెర్రరిస్టులకు చేరినట్లు ఇంటెలిజెన్స్ వర్గాలు చెబుతున్నాయి. US బలగాలు 2021లో అఫ్గాన్‌ను వీడుతూ $7bn విలువైన ఆయుధాలను వదిలేశాయి. వాటిలో వేలాదిగా M4 రైఫిల్స్ ఉన్నాయి. లైట్ వెయిట్‌తో ఉండే వీటి ద్వారా నిమిషానికి 700-900 రౌండ్స్ కాల్చవచ్చు. రేంజ్ 500M-3,600M వరకు ఉంటుంది.
Similar News
News November 29, 2025
కేసీఆర్ పేరు లేకుండా కవిత ఇంట్రస్టింగ్ ట్వీట్
TG: కేసీఆర్ ఆమరణ నిరాహార దీక్షకు 16 ఏళ్లు పూర్తయిన నేపథ్యంలో MLC కవిత ఆసక్తికర ట్వీట్ చేశారు. తన తండ్రి కేసీఆర్ పేరును ప్రస్తావించకుండా ‘ఒక యోధుని దీక్ష, అమరుల త్యాగం యావత్ తెలంగాణ జాతిని మేల్కొల్పింది. ఐక్యతా గీతమైంది. స్ఫూర్తిని నింపింది. ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం. జై తెలంగాణ’ అని పేర్కొన్నారు.
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?
సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.
News November 29, 2025
రేపు, ఎల్లుండి అతిభారీ వర్షాలు
తెలంగాణలోని పలు ప్రాంతాల్లో ఇవాళ తేలికపాటి నుంచి మోస్తరు వర్షాలు పడే అవకాశముందని HYD వాతావరణ కేంద్రం తెలిపింది. రేపు, ఎల్లుండి మహబూబ్‌నగర్, నాగర్ కర్నూల్, వనపర్తి, నారాయణపేట, గద్వాల్ జిల్లాల్లో అక్కడక్కడ భారీ వర్షాలు కురుస్తాయంది. అటు ఏపీలో రేపు, ఎల్లుండి దక్షిణకోస్తా, రాయలసీమ ప్రాంతాల్లో భారీ వర్షాలు, కొన్నిచోట్ల అతిభారీ వర్షాలు కురుస్తాయని APSDMA పేర్కొంది.