News October 20, 2024
అమరావతి అప్పు.. చెల్లించాల్సింది రాష్ట్రమే?
AP: అమరావతికి ప్రతిపాదించిన ₹15,000Cr అప్పులో ప్రపంచ బ్యాంక్, ADB ₹13,600Cr, కేంద్రం ₹1,400Cr ఇవ్వనున్నాయి. ఈ అప్పును రాష్ట్ర ప్రభుత్వమే చెల్లించాల్సి ఉంటుందని, కేంద్రం 9.33 శాతమే భరిస్తుందని సమాచారం. అప్పు కాలపరిమితి 50ఏళ్లు ఉండొచ్చని, డాలర్ విలువకు అనుగుణంగా భారం పెరగనుందని తెలుస్తోంది. అందుకే అంతర్జాతీయ సంస్థల కంటే దేశీయ సంస్థల నుంచి తీసుకునే అప్పులే ఉత్తమమని నిపుణులు పేర్కొంటున్నారు.
Similar News
News November 30, 2025
TG న్యూస్ అప్డేట్స్
* 1,365 గ్రూప్-3 ఉద్యోగాల భర్తీకి అభ్యర్థుల సర్టిఫికెట్ల పరిశీలన నిన్నటితో ముగిసింది.
* నాగర్‌కర్నూల్ జిల్లా ప్రభుత్వ మెడికల్ కాలేజీలో ర్యాగింగ్.. నలుగురు విద్యార్థులు సస్పెండ్.
* చెన్నైలో DEC 2న జరిగే ఇగ్నిషన్ సదస్సులో పాల్గొనాల్సిందిగా KTRను శివ్ నాడార్ ఫౌండేషన్ ఆహ్వానించింది.
* విదేశాల్లో ఉన్నతవిద్యను అభ్యసించేందుకు కీలకమైన IELTSలో ఉచిత శిక్ష ఇవ్వనున్నట్లు బీసీ స్టడీ సర్కిల్ ప్రకటించింది.
News November 30, 2025
అభిషేక్ శర్మ విధ్వంసం.. 32 బంతుల్లో సెంచరీ
SMATలో బెంగాల్‌తో మ్యాచులో పంజాబ్ కెప్టెన్ అభిషేక్ శర్మ అద్భుతంగా ఆడుతున్నారు. 12 బంతుల్లో హాఫ్ సెంచరీ చేసిన ఆయన, 32 బంతుల్లోనే సెంచరీ పూర్తి చేశారు. మరో ఓపెనర్ ప్రభ్ సిమ్రాన్ (32 బంతుల్లో 64 రన్స్‌) కూడా వేగంగా ఆడుతున్నారు. ప్రస్తుతం ఆ జట్టు 11.5 ఓవర్లలో స్కోర్ 193/0గా ఉంది. అభిషేక్ ప్రస్తుతం 40 బంతుల్లో 124 పరుగులతో(7 ఫోర్లు, 14 సిక్సులు) ఉన్నారు. ఈ మ్యాచ్ HYD జింఖానా గ్రౌండ్స్‌లో జరుగుతోంది.
News November 30, 2025
నువ్వుల పంట నాటిన తర్వాత కలుపు నివారణ
నువ్వుల పంట విత్తిన 24-48 గంటల్లోపు ఎకరానికి 200 లీటర్ల నీటిలో పెండిమిథాలిన్ 30%ఇ.సి. 700mlను కలిపి పిచికారీ చేస్తే 20 రోజుల వరకు కలుపును నివారించవచ్చు. పంట 30-40 రోజుల సమయంలో అంతరకృషితో కలుపును అరికట్టవచ్చు. అంతరకృషి సాధ్యం కాకపోతే గడ్డి జాతి కలుపు నివారణకు ఎకరాకు 200 లీటర్ల నీటిలో క్విజాలొఫాప్ ఇథైల్ 5%E.C 400ml లేదా ప్రొపాక్విజాఫాప్ 10% ఇ.సి. 250mlను కలిపి కలుపు 2-4 ఆకుల దశలో పిచికారీ చేయాలి.