News November 14, 2024
అక్షర్ పటేల్ కళ్లు చెదిరే క్యాచ్
సౌతాఫ్రికాతో జరుగుతున్న 3వ టీ20లో భారత క్రికెటర్ అక్షర్ పటేల్ కళ్లు చెదిరే క్యాచ్ అందుకున్నారు. సిక్సు కొట్టి ఊపుమీదున్నట్లు కనిపించిన సఫారీ హిట్టర్ డేవిడ్ మిల్లర్ ఆ తర్వాత బంతిని భారీ షాట్ కొట్టారు. బౌండరీ లైన్ వద్ద ఫీల్డింగ్ చేస్తున్న అక్షర్ గాల్లోకి ఎగిరి అద్భుతంగా క్యాచ్ అందుకున్నారు. దీంతో మిల్లర్(18) పెవిలియన్ చేరారు. ప్రస్తుతం సౌతాఫ్రికా స్కోర్ 15.5 ఓవర్లలో 142/5. భారత్ గెలుస్తుందా?
Similar News
News November 14, 2024
నన్ను కమిట్మెంట్ అడిగారు: హీరోయిన్
ఊరు పేరు భైరవకోన, డబుల్ ఇస్మార్ట్, విశ్వం తదితర సినిమాలతో హీరోయిన్ కావ్యా థాపర్ టాలీవుడ్‌లో దూసుకెళ్తున్నారు. తాజాగా ఓ ఇంటర్వ్యూలో తనకెదురైన చేదు అనుభవాన్ని పంచుకున్నారు. ‘కెరీర్ తొలి రోజుల్లో ఓ యాడ్ ఆడిషన్స్‌కి వెళ్లాను. అక్కడున్న ఓ వ్యక్తి 4 యాడ్స్‌లో అవకాశాలిప్పిస్తానని, కమిట్మెంట్ ఇవ్వాలని అన్నాడు. నాకు చాలా కోపం వచ్చింది. ఇలాంటివి నాకు నచ్చవని మొహమ్మీదే చెప్పి బయటికొచ్చేశాను’ అని తెలిపారు.
News November 14, 2024
Stock Market: 7% పెరిగిన ఐష‌ర్ మోటార్స్
Q2 ఫలితాలు 8%(YoY) అధికంగా రాబట్టడంతో రాయ‌ల్ ఎన్‌ఫీల్డ్ పేరెంట్ సంస్థ ఐష‌ర్ మోటార్స్ షేరు గురువారం సెషన్‌లో 7% వరకు పెరిగింది. Hero Motoco 2%, Grasim 1.24%, Kotak Bank 1.23%, Hdfc Life 1.20% లాభపడి టాప్ గెయినర్స్‌గా నిలిచాయి. HindUnilvr 2.92%, BPCL 2.50%, Britannia 2.47%, Tata Consum 2.35%, Nestle Ind 2.11% న‌ష్ట‌పోయి టాప్ లూజ‌ర్స్‌గా నిలిచాయి. మీడియా, బ్యాంకు, ఆటో, ఫైనాన్స్ రంగ షేర్లు లాభపడ్డాయి.
News November 14, 2024
WOW: ఇది ప్రభుత్వ పాఠశాలే..!
దేశ రాజధాని ఢిల్లీలో అతి పెద్ద ప్రభుత్వ పాఠశాలను సీఎం ఆతిశీ ఇవాళ ప్రారంభించారు. సుందరి నగర్‌లో ఈ స్కూల్‌ను సరికొత్త హంగులతో అంతర్జాతీయ ప్రమాణాలతో రూపొందించారు. మూడంతస్తుల్లో 131 గదులు, 7 ల్యాబ్‌లు, లైబ్రరీ, కాన్ఫరెన్స్ హాల్, యోగా రూమ్, లిఫ్ట్, టాయిలెట్ల బ్లాక్ తదితర సౌకర్యాలతో నిర్మించారు. ఇందులో దాదాపు 7 వేల మంది విద్యార్థులు చదువుకోవచ్చు. ప్రస్తుతం ఈ స్కూల్ ఇతర రాష్ట్రాలకు ఆదర్శంగా నిలుస్తోంది.