News May 14, 2024
ఆంధ్ర రణరంగం
దాడులు.. ప్రతిదాడులతో ఏపీ అట్టుడుకుతోంది. పోలింగ్ వేళ పలు ప్రాంతాల్లో నిన్న మొదలైన హింస నేటికీ కొనసాగుతోంది. రాళ్లు, కత్తులు, నాటు బాంబులతో జరుగుతున్న దాడులు రాష్ట్ర ప్రతిష్ఠను దిగజారుస్తున్నాయి. పోలీసులు, ఆయా పార్టీల నేతలు గాయాలతో ఆసుపత్రి పాలవుతుండగా సామాన్య ప్రజలు బెంబేలెత్తుతున్నారు. ప్రశాంతంగా ఉన్న రాష్ట్రం రణరంగంలా మారుతుండటంతో దేశానికి ఏం సందేశం ఇస్తున్నారంటూ నెటిజన్లు ప్రశ్నిస్తున్నారు.
Similar News
News January 10, 2025
స్పెలింగ్ ఎలా మర్చిపోతారు బ్రో!
లగ్జరీ బ్రాండ్స్ ప్రొడక్ట్స్‌ను కాపీ చేస్తూ పేరులో స్పెలింగ్ మార్చి అమ్మేస్తుంటారు. అయితే, ఒరిజినల్ ప్రొడక్ట్ షాపు పేరులోనే స్పెలింగ్ తప్పుగా ఉంటే ఎలా ఉంటుంది? హైదరాబాద్‌లో ఏర్పాటు చేసిన ఓ PUMA షోరూమ్ పేరును PVMAగా ఏర్పాటుచేయడంపై నెట్టింట చర్చ జరుగుతోంది. ఇది వినేందుకు హాస్యాస్పదంగా ఉన్నా.. సంస్థకు నష్టాన్ని తెచ్చిపెట్టింది. ఇది ఫేక్ బ్రాండ్ అనుకొని కస్టమర్లు అటువైపు వెళ్లేందుకే ఇష్టపడలేదు.
News January 10, 2025
బాలకృష్ణ, వెంకటేశ్ సినిమాలకు BIG SHOCK
AP: సంక్రాంతికి విడుదలయ్యే డాకు మహారాజ్, సంక్రాంతికి వస్తున్నాం సినిమాల అదనపు షోలలో ప్రభుత్వం సవరణలు చేసింది. హైకోర్టు ఆదేశాల మేరకు అర్ధరాత్రి 1 గంట, తెల్లవారుజామున 4 గంటల షోలకు అనుమతి నిరాకరించింది. రోజుకు 5 షోలకు మించకుండా, అందులో ఒక బెనిఫిట్ షో ప్రదర్శించుకోవచ్చంది. దీంతో ఎల్లుండి రిలీజయ్యే డాకు మహారాజ్, 14న విడుదలయ్యే సంక్రాంతికి వస్తున్నాం చిత్రాలకు 6వ షో ఉండదు. ఇది వసూళ్లపై ప్రభావం చూపనుంది.
News January 10, 2025
BREAKING: ‘తిరుపతి’ ఘటనపై హైకోర్టులో పిల్
AP: తిరుపతి తొక్కిసలాటపై హైకోర్టులో పిల్ దాఖలైంది. ఈ ఘటనపై 5 రోజుల్లో న్యాయ విచారణ జరిపించి, 30 రోజుల్లో గవర్నర్‌కు నివేదిక ఇచ్చేలా పోలీస్ అధికారులను ఆదేశించాలని పిటిషనర్ కోరారు. బాధ్యులపై తక్షణమే చర్యలు తీసుకోవాలని అభ్యర్థించారు. మొత్తం 20 మందిని ప్రతివాదులుగా చేర్చారు. ఈ పిల్ త్వరలోనే విచారణకు రానుంది.