News September 2, 2024
భారత్‌కు మరో గోల్డ్ & సిల్వర్ మెడల్స్
పారిస్ పారాలింపిక్స్‌లో భారత బ్యాడ్మింటన్ ప్లేయర్ నితేశ్ కుమార్ అదరగొట్టారు. పురుషుల సింగిల్స్ SL3 ఈవెంట్‌ ఫైనల్లో బ్రిటిష్ షట్లర్ డేనియల్ బెథెల్‌పై 21-14, 18-21, 23-21 తేడాతో విజయం సాధించి బంగారు పతకాన్ని గెలుచుకున్నారు. దీంతో భారత్‌ ఖాతాలో రెండు గోల్డ్ మెడల్స్ చేరాయి. దీంతోపాటు మెన్స్ డిస్కస్ త్రోలో యోగేశ్ కతునియా సిల్వర్ సాధించారు.
Similar News
News November 30, 2025
రాష్ట్ర హక్కుల కోసం పోరాడండి: YS జగన్
AP: పార్లమెంటులో రాష్ట్ర హక్కుల కోసం పోరాడాలని YCP అధినేత జగన్ పార్టీ MPలకు సూచించారు. రేపటి నుంచి ప్రారంభం కానున్న పార్లమెంటు శీతాకాల సమావేశాల్లో.. మొంథా తుఫాన్ వల్ల పంట నష్టం, మద్దతు ధర, రైతులపై ఆర్థిక భారం వంటివి ప్రధాన సమస్యలుగా చర్చించాలన్నారు. విశాఖ స్టీల్ ప్లాంట్ ప్రైవేటీకరణ, సంక్షేమ హాస్టళ్లలో పరిస్థితులు, పోలీస్ వ్యవస్థ దుర్వినియోగంపైనా ఎంపీలు తమ గళం వినిపించాలని ఆదేశించారు.
News November 30, 2025
రిలీజ్‌కు ముందే “స్పిరిట్” రికార్డ్!
ప్రభాస్- సందీప్ రెడ్డి వంగా కాంబోలో తెరకెక్కుతున్న యాక్షన్ డ్రామా “స్పిరిట్” మూవీ షూటింగ్ ఇటీవల ప్రారంభమైన విషయం తెలిసిందే. ఇందులో ప్రభాస్ పోలీస్ పాత్రలో కనిపించనున్నారు. తాజాగా ఈ మూవీ డిజిటల్ హక్కులు అన్ని భాషల్లో కలిపి రూ.160 కోట్ల రికార్డు ధరకు అమ్ముడైనట్లు తెలుస్తోంది. ముందే భారీ డీల్ జరిగిందన్న వార్తలు మూవీపై క్రేజ్ మరింత పెంచుతున్నాయి. ఈ సినిమాలో హీరోయిన్‌గా త్రిప్తి దిమ్రి నటిస్తున్నారు.
News November 30, 2025
త్వరలో కొత్త మద్యం బ్రాండ్లు!
TG: కొత్త లైసెన్స్ పొందిన మద్యం దుకాణాలు రేపటి నుంచి అమ్మకాలు ప్రారంభించనున్నాయి. త్వరలో కొత్త బ్రాండ్లు కూడా అందుబాటులోకి రానున్నాయి. దేశ, విదేశాలకు చెందిన ప్రముఖ కంపెనీల నుంచి వచ్చిన 600కు పైగా దరఖాస్తులను ఎక్సైజ్ శాఖ పరిశీలిస్తోంది. కాగా FY26లో రూ.28,000 కోట్ల ఆదాయం సాధించాలని ప్రభుత్వం లక్ష్యంగా పెట్టుకుంది. కొత్త బ్రాండ్లను అనుమతించడం వల్ల ఆదాయం పెరుగుతుందని అధికారులు అంచనా వేస్తున్నారు.