News October 23, 2024
హెజ్బొల్లాకు మరో షాక్

హెజ్బొల్లా గ్రూప్కు వారసుడిగా భావిస్తున్న నస్రల్లా బంధువు హషీమ్ సఫీద్దీన్ను ఇజ్రాయెల్ దళాలు హతమార్చినట్లు IDF ప్రకటించింది. 3వారాల క్రితం లెబనాన్ దహియాలోని ఓ బంకర్లో సమావేశంలో ఉండగా జరిపిన దాడిలో అతడు చనిపోయాడంది. అతడితో పాటు హెజ్బొల్లా ఇంటెలిజెన్స్ డైరెక్టరేట్ అధిపతి అలీహుస్సేన్ హజిమా, పలువురు కమాండర్లు మృతిచెందారంది. అటు తదుపరి హెజ్బొల్లా పగ్గాలు ఎవరు అందుకుంటారనేది ఆసక్తిగా మారింది.
Similar News
News November 30, 2025
థైరాయిడ్ పేషెంట్లకు ఆర్థరైటిస్ ముప్పు

థైరాయిడ్ పేషెంట్లు, గతంలో అబార్షన్ అయిన మహిళలకు ఆర్థరైటిస్ ముప్పు ఎక్కువని నిపుణులు చెబుతున్నారు. ఆకలి తగ్గడం, జ్వరం, నీరసం, బరువు తగ్గడం వంటి లక్షణాలు కనిపిస్తాయి. ప్రధానంగా కీళ్లలో నొప్పి, వాపు, ఎర్రగా అవడం, కదలిక తగ్గడం, ఇతర అవయవాలపై ప్రభావం చూపించడం జరుగుతుంది. దీనిని నయం చేయలేము గానీ మంచి ఆహారం, వ్యాయామం, మందుల ద్వారా తీవ్రతను తగ్గించుకోవచ్చని నిపుణులు చెబుతున్నారు.
News November 30, 2025
మోదీ-షా దుష్ట రాజకీయాలు: కాంగ్రెస్

నేషనల్ హెరాల్డ్ కేసులో సోనియా, రాహుల్ గాంధీపై కొత్త FIR <<18428982>>నమోదు <<>>చేయడంపై కాంగ్రెస్ తీవ్రంగా స్పందించింది. కేంద్రం ప్రతీకార రాజకీయాలు చేస్తోందని ఆరోపించింది. ‘కాంగ్రెస్ నాయకత్వంపై వేధింపులు, బెదిరింపులు, ప్రతీకార చర్యలతో కూడిన దుష్ట రాజకీయాలను మోదీ-షా ద్వయం కొనసాగిస్తోంది. నేషనల్ హెరాల్డ్ వ్యవహారం బోగస్ కేసు. న్యాయమే గెలుస్తుంది’ అని కాంగ్రెస్ ప్రధాన కార్యదర్శి జైరాం రమేశ్ ట్వీట్ చేశారు.
News November 30, 2025
టెస్టుల్లోకి కోహ్లీ రీఎంట్రీ?

టెస్టు క్రికెట్లో IND వరుస ఓటముల నేపథ్యంలో BCCI కీలక నిర్ణయం తీసుకున్నట్లు సమాచారం. విరాట్ కోహ్లీ రిటైర్మెంట్ నిర్ణయాన్ని వెనక్కు తీసుకోవాలని కోరే అవకాశం ఉందని Cricbuzz వెల్లడించింది. తన నిర్ణయాన్ని మార్చుకునేందుకు ఓ ఆటగాడు సిద్ధంగా ఉన్నట్లు పేర్కొంది. కాగా కోహ్లీ, రోహిత్, అశ్విన్, పుజారా లాంటి సీనియర్ల రిటైర్మెంట్ తర్వాత టీమ్ దెబ్బతిన్నట్లు విశ్లేషకులు చెబుతున్నారు.


