News March 21, 2024
వాట్సాప్‌లో మరో సూపర్ ఫీచర్!
యూజర్లకు మరో సూపర్ ఫీచర్‌ను అందుబాటులోకి తెచ్చేందుకు వాట్సాప్ కసరత్తు చేస్తోంది. వాయిస్ నోట్స్ మెసేజ్‌ను టెక్ట్స్ రూపంలోకి మార్చి అందించే దిశగా పరీక్షలు నిర్వహిస్తోంది. వాయిస్ మెసేజ్‌ను అర్థం చేసుకోలేకపోయే వారు, చెవిటివారికి ఇది ఉపయోగపడనుంది. ప్రస్తుతం ఈ ఫీచర్‌ను Android 2.24.7.8 వెర్షన్‌లో పరీక్షిస్తున్నట్లు WABetaInfo వెల్లడించింది.
Similar News
News November 25, 2024
ఓనర్ లేకుండా షాప్స్.. ఏవైనా తీసుకోవచ్చు!
రోడ్డు వెంబడి దుకాణాలున్నా అందులో ఒక్కరూ కనిపించరు. మీకు ఏది కావాలన్నా తీసుకోవచ్చు. ఇలాంటి ప్లేస్ ఎక్కడుందని అనుకుంటున్నారా? మిజోరంలోని సెలింగ్ హైవే వెంబడి ఇలాంటి అనేక షాప్స్ ఉన్నాయి. షాప్స్‌లో ఉన్న వస్తువులను మీరు తీసుకొని డబ్బులను అక్కడే ఉన్న డబ్బాలో వేస్తే సరిపోతుంది. అక్కడి ప్రజలు ఇతరులపై ఎంతో విశ్వాసం కలిగి ఉండటమే దీనికి కారణం. దీనిని ‘నఘా లౌ డావర్ కల్చర్ ఆఫ్ మిజోరం’ అని పిలుస్తారు.
News November 25, 2024
ఆకాశ్‌దీప్‌ను దక్కించుకున్న LSG
భారత బౌలర్ ఆకాశ్‌దీప్‌ను లక్నో చేజిక్కించుకుంది. అతడిని వేలంలో రూ.8 కోట్లకు కొనుగోలు చేసింది. ఫెర్గుసన్‌ను పంజాబ్ రూ.2 కోట్లకు దక్కించుకుంది. అఫ్గాన్ ప్లేయర్ ముజీబుర్ రెహ్మాన్ అన్‌సోల్డ్‌గా మిగిలారు.
News November 25, 2024
ఢిల్లీకి ఎందుకు పోతున్నవో.. ఎవరికి తెలుసు: కేటీఆర్
TG: నిధుల కోసమే ఢిల్లీకి వెళ్తున్నానన్న సీఎం రేవంత్ వ్యాఖ్యలపై బీఆర్ఎస్ వర్కింగ్ ప్రెసిడెంట్ కేటీఆర్ కౌంటర్ ఇచ్చారు. ‘పెళ్లికి పోతున్నవో, సావుకు పోతున్నవో.. ఎవరికి తెలుసు. 28 సార్లు ఢిల్లీ వెళ్లి రూ.28 కూడా తీసుకురాలేదు. బడే బాయ్, చోటే మియాల వ్యవహారం ఎవరికి తెలుసు?. మేం నీలాగా ఢిల్లీ గులాములం కాదు. పోరాటం మా రక్తంలోనే ఉంది. మా జెండా, ఎజెండా ఎన్నటికీ తెలంగాణ అభివృద్ధే’ అని ఆయన ట్వీట్ చేశారు.