News July 26, 2024

‘సిక్ లీవ్’ కోసం వారం ముందే అప్లై చేయాలట!

అనుకోకుండా అనారోగ్యం బారిన పడినప్పుడు ఉద్యోగులు ‘సిక్ లీవ్’ పెట్టి రెస్ట్ తీసుకుంటుంటారు. అయితే, ఓ ఉద్యోగికి ‘సిక్ లీవ్’ విషయంలో తన మేనేజర్ నుంచి విచిత్రమైన సమాధానం ఎదురైంది. ‘ఆరోగ్యం బాలేదు. ఈరోజు రాలేను, సిక్ లీవ్ కావాలి’ అని అడిగితే.. ‘వారం రోజుల ముందే అడగాలి కదా?’ అంటూ మేనేజర్ బదులిచ్చారు. దీంతో అతను అవాక్కయ్యాడు. మేనేజర్‌తో జరిగిన వాట్సాప్‌ సంభాషణ ఫొటోను రెడ్డిట్‌లో పంచుకోగా తెగ వైరలవుతోంది.