News January 31, 2025
నేటి నుంచి అరకు ‘చలి’ ఉత్సవాలు ప్రారంభం
AP: అరకు లోయలో నేటి నుంచి చలి ఉత్సవాలు ప్రారంభం కానున్నాయి. 3 రోజుల పాటు ఇవి జరగనున్నాయి. ఉత్సవాల కోసం స్థానిక ప్రభుత్వ డిగ్రీ కళాశాలను అధికారులు ముస్తాబు చేశారు. సాయంత్ర వేళల్లో సాంస్కృతిక కార్యక్రమాలు, హెలికాప్టర్ రైడ్, హాట్ ఎయిర్ బెలూన్ మోటార్ గ్లైడింగ్ ప్రత్యేక ఆకర్షణలుగా నిలవనున్నాయి. పర్యాటకం పెంపుదలే లక్ష్యంగా వీటిని రాష్ట్రం నిర్వహిస్తోంది.
Similar News
News January 31, 2025
హెల్త్ ఇన్సూరెన్స్ ప్రీమియం పెంపుపై IRDAI గుడ్‌న్యూస్
ఇన్సూరెన్స్ కంపెనీలకు IRDAI కీలక ఆదేశాలు ఇచ్చింది. సీనియర్ సిటిజన్ల హెల్త్ ఇన్సూరెన్స్ వార్షిక ప్రీమియాన్ని 10% కన్నా ఎక్కువ పెంచొద్దని స్పష్టం చేసింది. ఆదేశాలు తక్షణమే అమల్లోకి వస్తాయని వెల్లడించింది. ఒకవేళ 10% కన్నా ఎక్కువ పెంచాలని భావించినా, ఈ స్కీములను రద్దు చేయాలనుకున్నా తమను కచ్చితంగా సంప్రదించాలని ఆదేశించింది. పరిమిత ఆదాయమే ఉండే వృద్ధులపై ఆర్థికభారం తగ్గించేందుకే ఈ నిర్ణయం తీసుకున్నామంది.
News January 31, 2025
ఎంపీ బన్సూరి స్వరాజ్‌‌కు కృతజ్ఞతలు: ‘తండేల్’ నిర్మాత
ఎంపీ బన్సూరి స్వరాజ్‌‌కు ‘తండేల్’ సినిమా నిర్మాత బన్నీ వాస్ కృతజ్ఞతలు తెలిపారు. ఆమె తల్లి, కేంద్ర మాజీ మంత్రి సుష్మా స్వరాజ్ పేరును తమ సినిమాలో వాడుకునేందుకు అనుమతినిచ్చారని ట్వీట్ చేశారు. 2017, 2018లో పాకిస్థాన్ జైళ్లలో చిక్కుకున్న మత్స్యకారులను తిరిగి తీసుకురావడంలో సుష్మా స్వరాజ్ కీలక పాత్ర పోషించారని, అప్పటి నిజ జీవిత సంఘటనలను తమ మూవీలో చూపించినట్లు వాసు పేర్కొన్నారు.
News January 31, 2025
నేటి నుంచి మోగనున్న పెళ్లిబాజాలు
మాఘమాసం ఆరంభం కావడంతో ఇవాళ్టి నుంచి వివాహ వేడుకలు ప్రారంభం కానున్నాయి. శుభ ముహూర్తంలో మూడు ముళ్ల బంధంతో వేలాది జంటలు ఒక్కటి కానున్నాయి. ఈ నెల 31, ఫిబ్రవరి 2, 7, 13, 14, 16, 20, 22, 23, మార్చి 2, 6, 7, 12, 14, 15, 16, ఏప్రిల్ 9, 10, 11, 12, 13, 16, 18, 20, 23, 29, 30, మే 1, 7, 8, 9, 10, 11, 14, 15, 16, 17, 18, 21, 22, 23, 28 తేదీల్లో కళ్యాణ ఘడియలు ఉన్నట్లు పండితులు తెలిపారు.