News November 23, 2024
ఏలియన్స్‌కు నక్షత్రాలే వాహనాలు?
అత్యంత అభివృద్ధి చెందిన గ్రహాంతరవాసులు విశ్వాన్ని అన్వేషించేందుకు వేగంగా కదిలే చిన్న నక్షత్రాలను వాహనాలుగా వాడుకుంటూ ఉండొచ్చని బెల్జియం పరిశోధకులు తాజాగా ప్రతిపాదించారు. వ్యోమనౌకను తయారుచేయడం కంటే నక్షత్రాల అయస్కాంత శక్తినే ఇంధనంగా వాడుకుంటూ వాటిపై ప్రయాణించడం వారికి సులువుగా ఉంటుందని అభిప్రాయపడ్డారు. ఈ థియరీని పలువురు శాస్త్రవేత్తలు కొట్టిపారేస్తుండటం గమనార్హం.
Similar News
News November 23, 2024
11 నెలల్లో 53వేలకు పైగా ఉద్యోగాలు: ప్రభుత్వం
TG: 11 నెలల్లో 53వేలకు పైగా ఉద్యోగాల్ని భర్తీ చేసినట్లు రాష్ట్ర ప్రభుత్వం వెల్లడించింది. ఇందులో విద్యాశాఖకు చెందినవే అత్యధికమని తెలిపింది. గురుకులాలు, స్కూళ్లలో 18,310 టీచింగ్ పోస్టులు, పోలీస్ శాఖలో 16,067 ఉద్యోగాలు, 7,094 స్టాఫ్ నర్స్ పోస్టులు భర్తీ చేశామని పేర్కొంది. ఇటీవల పలు ఉద్యోగ నోటిఫికేషన్లు ఇచ్చామని, ప్రస్తుతం వివిధ విభాగాల్లో 5,378 పోస్టులకు నియామక ప్రక్రియ కొనసాగుతోందని తెలిపింది.
News November 23, 2024
నేడే ఫలితాలు.. WAY2NEWSలో EXCLUSIVEగా..
మహారాష్ట్ర, ఝార్ఖండ్ అసెంబ్లీ ఎన్నికల ఓట్ల లెక్కింపు ఉదయం 8 గంటలకు ప్రారంభం కానుంది. ప్రియాంకా గాంధీ బరిలో నిలిచిన వయనాడ్‌ సహా నాందేడ్ ఎంపీ స్థానానికి, వివిధ రాష్ట్రాల్లోని 48 అసెంబ్లీ సీట్ల బైపోల్ రిజల్ట్స్ కూడా వెలువడనున్నాయి. అన్నింటి ఫలితాలను ఎక్స్‌క్లూజివ్‌గా, అందరికంటే ముందుగా, వేగంగా WAY2NEWSలో తెలుసుకోండి. ఎప్పటికప్పుడు రిజల్ట్స్ అప్డేట్స్, అనాలసిస్ స్టోరీస్ అందుబాటులో ఉంటాయి. STAY TUNED.
News November 23, 2024
బడ్జెట్ సమస్యలు.. సూర్య సినిమా నిలిపివేత?
సూర్య హీరోగా తెరకెక్కాల్సిన ‘కర్ణ’ సినిమా తాత్కాలికంగా నిలిచిపోయినట్లు వార్తలొస్తున్నాయి. నేషనల్ అవార్డు విన్నింగ్ డైరెక్టర్ రాకేశ్ ఓం ప్రకాశ్ మెహ్రా రూ.600కోట్లతో ఈ ప్రాజెక్టును తెరకెక్కించాలని ప్లాన్ చేసినట్లు సమాచారం. కానీ బడ్జెట్ సమస్యల వల్ల నిలిచిపోయిందని, కొత్త నిర్మాతల వేటలో డైరెక్టర్ ఉన్నట్టు తెలుస్తోంది. మహాభారతం ఆధారంగా రూపొందాల్సిన ఈ మూవీలో ద్రౌపదిగా జాన్వీ కపూర్‌ నటిస్తారని సమాచారం.