News July 17, 2024
‘ఎమ్మెల్యే తాలుకా’ నంబర్ ప్లేట్ పెట్టుకుంటున్నారా?
AP: రాష్ట్రంలో ఇటీవల వాహనాలకు ‘పలానా ఎమ్మెల్యే తాలుకా’ నంబర్ ప్లేట్ల ట్రెండ్ నడుస్తోంది. అయితే అలాంటి వాటిని ఉపేక్షించేది లేదని, నిబంధనల ప్రకారం హైసెక్యూరిటీ నంబర్ మాత్రమే ఉండాలని రవాణా శాఖ చెబుతోంది. తాజాగా వైజాగ్‌లో ‘ఎమ్మెల్యే తాలుకా’ నంబర్ ప్లేట్లు ఉన్న 22 వాహనాలపై ట్రాఫిక్ పోలీసులు కేసు నమోదు చేశారు. ఇకపై అలాంటి వాహనాలు కనిపిస్తే సీజ్ చేసి, కేసులు పెడతామని హెచ్చరించారు.
Similar News
News November 24, 2025
314 పరుగుల ఆధిక్యంలో సౌతాఫ్రికా
భారత్-సౌతాఫ్రికా రెండో టెస్టులో మూడో రోజు ఆట ముగిసింది. తొలి ఇన్నింగ్సులో భారత్ 201 పరుగులకు <<18375894>>ఆలౌటైంది<<>>. అనంతరం రెండో ఇన్నింగ్స్ ప్రారంభించిన RSA ఆట ముగిసే సమయానికి 26/0 రన్స్ చేసింది. బవుమా సేన 314 పరుగుల ఆధిక్యంలో ఉంది.
News November 24, 2025
ధర్మేంద్ర ఆస్తి ఎంతో తెలుసా?
బాలీవుడ్ దిగ్గజ నటుల్లో ఒకరిగా వెలుగొందిన ధర్మేంద్ర అనారోగ్య కారణాలతో మరణించారు. ఆయన ఆస్తి విలువ రూ.335-450 కోట్ల మధ్య ఉంటుందని జాతీయ మీడియా పేర్కొంది. సినిమాలు, రియల్ ఎస్టేట్, ఇతర వ్యాపారాల ద్వారా ఇంత మొత్తం ఆర్జించినట్లు తెలిపింది. ముంబై-పుణె మధ్యలో ఉండే లోనావాలాలో 100 ఎకరాల ఫాంహౌజ్ ఉందని పేర్కొంది. ఆయన సోషల్ మీడియా అకౌంట్‌లో ఎక్కువగా ఈ ఫౌంహౌజ్‌లో చేసే వ్యవసాయం వీడియోలను పోస్ట్ చేయడం గమనార్హం.
News November 24, 2025
గులాబీ తోటల్లో చీడపీడల ముప్పు
శుభకార్యాలు, వ్యక్తిగత అవసరాల కారణంగా ప్రస్తుతం గులాబీ పూల వినియోగం బాగా పెరిగింది. మార్కెట్ డిమాండ్‌ బట్టి గులాబీ సాగుకు రైతులు కూడా ఆసక్తి చూపుతున్నారు. ఈ పువ్వుల సాగులో చీడపీడల సమస్య రైతులకు ఆందోళన కలిగిస్తోంది. ముఖ్యంగా గులాబీ పంటకు పువ్వు, మొగ్గలు తొలిచేపురుగు.. ఆకులను తిని ,రంధ్రాలు చేసే పెంకు పురుగులు, గొంగళి పురుగులు, నల్ల మచ్చ తెగులు, కొమ్మ ఎండు, బూడిద తెగులు ఆశించి నష్టపరుస్తున్నాయి.